吳鎮宇陪阿仔學音樂

【蘋果日報】吳鎮宇昨日到柴灣ViuTV出席陳海琪和陶傑主持《大星講》訪談節目，繼續宣傳電影《逆流大叔》，有傳原班人馬再開另一題材電影，鎮宇表示暫未有聽聞，即使開得成，題材方面就交由幕後負責。
今個暑假鎮宇爭取休息，放下工作實行親子樂，與太太分別帶囝囝上課外活動，鎮宇負責靜態，動態則交給太太，他說：「我同阿仔一齊學音樂互動，陪住佢冇咁怕醜，阿媽就帶佢學空手道，本來一對一，後來上團體班，希望阿仔可以務實啲，去學習對打，依家咁危險都要識，希望佢有興趣，學完空手道可以食雪糕，可能佢係為咗杯雪糕，但運動精神好緊要，雪糕只係獎勵，但個人質素要培育先增長。」
採訪、攝影：卓寶花