韓國拍塌樓隨時冇命

【蘋果日報】林祖輝在亞視工作近十年，曾拍過不少劇集，但他主持節目《今日睇真D》最為人印象深刻，既贏收視又贏口碑，林祖輝說：「以前真係好落本，百幾二百人做一個節目，嗰班人好弗。依家每個電視台嗌救命，又裁員，邊有錢去做，本來四日都縮到兩日拍。」
當年不時要到各地採訪，林祖輝最難忘是韓國三豐百貨倒塌意外，當時懷着做獨家的心情到現場拍攝，他自豪說：「我同導演去到現場，都係一片平地，見到有個窿冇人就行落去，其實好危險，因為隨時可能再有倒塌，真係死咗都冇人知。但我哋一路行落去係通行無阻，落到basement，見有工作帽就戴住扮工作人員，其間見到有人抬傷者出去，咁我哋拍到獨家嘢。當年兩台競爭好激烈，邊個拍到獨家嘢，無論觀眾或行內人都會睇到，做好啲自己都開心。」