新聞類別
港聞
詳情#
【蘋果日報】電影中有人投資失利精神崩潰，現實中雷曼爆煲亦曾將港人逼瘋。雷曼苦主大聯盟召集人陳浩偉憶述，當年有人為令立法會通過特權法調查不惜跪地哭求議員；有人聲言斬人要脅銀行經理還錢，10年過去，街頭靜坐抗議畫面不再，但不當銷售仍無處不在，陳直指金管局及銀行的改善銷售手法只為保障業界，一旦再有大型銀行爆煲，「只會有更多苦主、更難追討」。
陳浩偉在雷曼事件較後期接任召集人，本身並非受害人，走出來只為七旬母，她早年買了數百萬元雷曼迷債，但10年前這筆養老金一下子化為烏有。陳指當年人人信銀行，「媽媽信銀行仲多過信我，但一夜間佢攞走晒你嘅嘢」。加入大聯盟才知受害者各行各業都有，「有律師、會計師連銀行高層都有，亦有街市賣豬肉嘅，攞工傷賠償投資嘅」。
預料爆煲再現更難追討
陳坦言文鬥武鬥都試過，有人主張示威抗爭，09年7.1有數千受害者上街；有人主張與政府及銀行談判；「有人話佢嬲到跟咗個經理入廁所，話想斬佢，佢聲稱最終都賠到」。轉捩點之一是08年11月立法會通過以特權法調查事件，陳稱當年仍是民建聯議員的劉江華在立法會外聲稱撐受害者，表決時卻投反對票，「啲苦主之後衝上民建聯總部抗議，有個女苦主跪求（副主席）蔣麗芸，佢哋先投贊成票，冇特權法根本查唔到咁多嘢」。
苦苦爭取終現曙光，09年7月證監會及金管局與16間銀行達成協議，向迷債受害者提出賠償最少6成本金的和解協議。陳指大聯盟不接受方案，因迷債外其他相關產品都不獲賠償，如同分化，「好多老人家年紀大，拖成年覺得好攰，惟有接受，但部份人就唔再出嚟」。
陳母獲賠約8成本金，但當年抗爭已令她身心俱疲，「佢長期唔夠瞓，瞓兩個鐘就扎醒，三番四次去銀行求經理，試過跌親幾次，試過坐輪椅遊行」。他指媽媽原本身體頗健康，2012年卻患腸癌及肝癌，16年過身，「一定（與雷曼）有啲關係，佢太擔心，成日唔甘心俾人呃咗」。
陳浩偉最不能釋懷是金管局不肯認錯，當年大部份受害人是長者，以定期存款買迷債，以為百分百保本，「大家都係證券條例下，證券公司好早已全賠，點解銀行可以唔賠？係咪任志剛（時任金管局總裁）有錯？擺明官商勾結，政府同銀行扯貓尾」。
他指當年不少改善建議根本無落實，「例如集體訴訟機制冇做過，即使依家規定客戶要做風險評估，但唔等於你明白隻產品，只係將責任推畀客戶」。他擔心若再出現另一次雷曼事件，「好多責任都推咗畀投資者，日後更加難追討損失」。
■記者鍾雅宜
陳浩偉在雷曼事件較後期接任召集人，本身並非受害人，走出來只為七旬母，她早年買了數百萬元雷曼迷債，但10年前這筆養老金一下子化為烏有。陳指當年人人信銀行，「媽媽信銀行仲多過信我，但一夜間佢攞走晒你嘅嘢」。加入大聯盟才知受害者各行各業都有，「有律師、會計師連銀行高層都有，亦有街市賣豬肉嘅，攞工傷賠償投資嘅」。
預料爆煲再現更難追討
陳坦言文鬥武鬥都試過，有人主張示威抗爭，09年7.1有數千受害者上街；有人主張與政府及銀行談判；「有人話佢嬲到跟咗個經理入廁所，話想斬佢，佢聲稱最終都賠到」。轉捩點之一是08年11月立法會通過以特權法調查事件，陳稱當年仍是民建聯議員的劉江華在立法會外聲稱撐受害者，表決時卻投反對票，「啲苦主之後衝上民建聯總部抗議，有個女苦主跪求（副主席）蔣麗芸，佢哋先投贊成票，冇特權法根本查唔到咁多嘢」。
苦苦爭取終現曙光，09年7月證監會及金管局與16間銀行達成協議，向迷債受害者提出賠償最少6成本金的和解協議。陳指大聯盟不接受方案，因迷債外其他相關產品都不獲賠償，如同分化，「好多老人家年紀大，拖成年覺得好攰，惟有接受，但部份人就唔再出嚟」。
陳母獲賠約8成本金，但當年抗爭已令她身心俱疲，「佢長期唔夠瞓，瞓兩個鐘就扎醒，三番四次去銀行求經理，試過跌親幾次，試過坐輪椅遊行」。他指媽媽原本身體頗健康，2012年卻患腸癌及肝癌，16年過身，「一定（與雷曼）有啲關係，佢太擔心，成日唔甘心俾人呃咗」。
陳浩偉最不能釋懷是金管局不肯認錯，當年大部份受害人是長者，以定期存款買迷債，以為百分百保本，「大家都係證券條例下，證券公司好早已全賠，點解銀行可以唔賠？係咪任志剛（時任金管局總裁）有錯？擺明官商勾結，政府同銀行扯貓尾」。
他指當年不少改善建議根本無落實，「例如集體訴訟機制冇做過，即使依家規定客戶要做風險評估，但唔等於你明白隻產品，只係將責任推畀客戶」。他擔心若再出現另一次雷曼事件，「好多責任都推咗畀投資者，日後更加難追討損失」。
■記者鍾雅宜
留言 (0)
