Can Bank：另類睇市方法（上）

【蘋果日報】個市重新吹起淡風，傳統技術指標唔少人都講過，今次散子講另類指標，分析吓大市會向南走定向北走。
各處鄉村各處例，另類指標都一樣，傳統上我哋會睇美國佬嘅另類指標，包括美大學入學指數、口紅或內衣指數、擦鞋童理論、紅酒指數、巨無霸指數等等。但港股A股化已成大勢，要講呢啲另類嘢，一定要睇A股大媽睇乜嘢。
一、88%魔咒，意思係股票型基金倉位水平去到88%，A股市場會出現大跌。應驗史：2009年7月29日、2009年11月24日、2010年11月12日，上證綜指三次大跌，基金倉位分別是86.01%、89.68%以及88.95%。
二、證券行湊仔指標，當家庭主婦都全情投入，股市變得瘋狂，亦都係崩潰嘅先兆。
三、光頭指標，唔少男士到一定嘅年紀，頭髮開始不如以前濃密，如果證券行出現嘅光頭男士較頭髮濃密嘅男士多，代表市場參與者經驗會比較豐富，股市無咁容易失控。
四、王菲結婚指標，王菲兩次婚事都好似刺激咗A股爆升。
就有如文章開首提到，各處鄉村各處例，所以散子都有準備到香港版嘅另類指標，下回繼續。
散子
http://fb.com/ 散子-257101397966975