新聞類別
娛樂
詳情#
【蘋果日報】為紀念陳百強（Danny）60歲冥壽，前晚灣仔會展舉行「環球高歌陳百強演唱會」，由陳奕迅（Eason）、關淑怡、陳慧嫻、劉美君、盧冠廷同梁詠琪（GiGi）等多位歌星獻唱Danny金曲，向一代樂壇偶像陳百強致敬。
關淑怡出場唱《煙雨淒迷》同《漣漪》，佢喺台上分享話：「我出道時陳百強先生已經好少演出，但我都有同過佢同台，我當時係新人好怕醜，佢喺我心目中係白馬王子，童年回憶！」GiGi獻唱《幾分鐘的約會》後感慨話：「如果你有緣同一個人喺地下鐵相遇幾分鐘，呢幾分鐘喺嗰個年代非常珍貴，我好羨慕Danny係嗰個年代嘅歌手，當時佢憑歌聲為每一位朋友編織荳芽夢。」
盧冠廷分享往事
到Eason出場，唱出《深愛着你》之後話：「好開心今晚可以參與呢個咁正嘅晚會，啲歌真係好好聽，我相信Danny會聽到。」最後Eason同林珊珊合唱《再見Puppy Love》，一唱一和，場面溫馨。
另外，演唱會舞台大螢幕不時轉換陳百強舊照，盧冠廷唱《突破》，兼分享自己同Danny往事：「我今日着得好靚，因為Danny仔同我講過如果着得靚唔過佢，就永遠都唔會紅，咁我由今日開始就要學佢改變。」
撰文：馮仁昭
關淑怡出場唱《煙雨淒迷》同《漣漪》，佢喺台上分享話：「我出道時陳百強先生已經好少演出，但我都有同過佢同台，我當時係新人好怕醜，佢喺我心目中係白馬王子，童年回憶！」GiGi獻唱《幾分鐘的約會》後感慨話：「如果你有緣同一個人喺地下鐵相遇幾分鐘，呢幾分鐘喺嗰個年代非常珍貴，我好羨慕Danny係嗰個年代嘅歌手，當時佢憑歌聲為每一位朋友編織荳芽夢。」
盧冠廷分享往事
到Eason出場，唱出《深愛着你》之後話：「好開心今晚可以參與呢個咁正嘅晚會，啲歌真係好好聽，我相信Danny會聽到。」最後Eason同林珊珊合唱《再見Puppy Love》，一唱一和，場面溫馨。
另外，演唱會舞台大螢幕不時轉換陳百強舊照，盧冠廷唱《突破》，兼分享自己同Danny往事：「我今日着得好靚，因為Danny仔同我講過如果着得靚唔過佢，就永遠都唔會紅，咁我由今日開始就要學佢改變。」
撰文：馮仁昭
回應 (0)
