單身長者流連公園成獵物

【蘋果日報】石蔭邨多單身老人，不論公園或商場內都有很多長者流連，記者訪問現場多位阿伯，大部份均聲稱對「飛來艷福」避之則吉。居民招伯稱約兩周前曾在石蔭東邨見到一位陌生大媽在公園找阿婆及阿伯搭訕，估計對方不懷好意，「見就見過一、兩次，但唔知係咪嗰個，我離遠望吓佢一望就知係呃人……」
另一位獨自在公園閒坐的陳伯認為最緊要有定力，不能起色心，「都係想你啲錢財，貪你咩呀？貪你老坑呀？」而家住勇石樓的王伯稱，他每天都到公園坐，從未遇過或聽聞有女騙徒兜搭長者。若有陌生女子坐下欲接近他，王伯說：「由得佢囉，睇佢想講乜嘢，但唔會帶佢返屋企囉。」
當區區議員李世隆指沒收過求助個案，但聽聞石籬區發生過類似事件，對今次事件感震驚，稱會向警民關係科反映加強宣傳，及要求房屋署加強保安，防止陌生人出入大廈，而他稍後搞活動時，也會提醒長者不要隨便與人搭訕及帶對方返家。