「大眾契爺」否認鹹濕：要攬都攬契女

【蘋果日報】中「美人」計險失錢財的廖伯，形容該女騙徒樣貌娟好，但他否認是「衰鹹濕」，更豪言「我大把契女啦，未結婚契女都有四、五個，要攬都攬佢哋先啦。」廖伯強調自己風流但非鹹濕，過去曾有四段婚姻，「我有咩未見過吖，後生都大把女朋友。」不過經歷這次事件後，再有陌生女子投懷送抱他會提防。
《蘋果》記者到訪廖伯寓所，屋內充斥着淡淡的老人藥油味，僅穿底褲坐在生銹碌架床上發呆的廖伯，看見記者即穿回褲子，他中氣十足，思路清晰講述事發經過，廖伯自稱是「石蔭大眾契爺」，有十個八個四、五十歲契女，未結婚的也有四、五個，強調「純粹係唔舒服，以為佢（女騙徒）好心扶我返屋企。」並非貪圖該名鄉音大媽的美色，故即使對方突然攬着他，並挑逗地說「摸吓我……」廖伯亦不為所動。
歷四段婚姻　稱為酒色散盡財富
廖伯聲稱自己好有女人緣，曾有四段婚姻，第二任妻子替他誕下一子一女，今年三月才與第四任老婆離婚，「超！原來佢係呃我幫佢拎身份證，佢係客家妹嚟，四、五十歲，來咗香港都冇住我屋企。」廖伯的女人緣與他豪爽闊綽性格有關，年輕時從事鐘錶生意，夥計數目過百，月入十幾萬，但卻將所有家財花在酒色財氣上，「鍾意飲酒同去舞廳跳舞，又請夥計一齊去，如果唔係咁，荃灣成條眾安街我都買到。」廖伯談起威水史時好不神氣。
滾滾紅塵，現時74歲的廖伯靠領取綜援過活，有高血壓及糖尿病，但對女士們豪爽性格未變，稱對一眾契女們非常好，經常送名錶禮物，記者問是否送勞力士，廖伯鬼馬地回應﹕「勞力士好普通箒，我送八達通手錶夠實用，年尾又會送啲臘鴨、臘腸，生果都有時會送。」記者問會否與契女結婚，廖伯即耍手擰頭，「無謂害咗人，貪我咩好喎。」雖然現時銀包只剩下十元，但廖伯十分樂觀，並不擔心生計。