新聞類別
港聞
詳情#
【蘋果日報】18歲那年對朱偉聰來說，很難忘。他的成人禮，除了參加反新界東北發展示威衝擊立法會，患有遺傳病的他同一年在腦外科醫生建議下，還需接受眼和氣管手術。只是，4年過去，手術一拖再拖。他保釋後已重回議員助理工作崗位，平常心面對終審判決，「如減刑獲釋又唔係太晏，就趕返辦事處派飯！」
22歲的朱偉聰是東北案最年輕的被告。訪問當天，他睡醒第一件事，是趕到石硤尾辦事處派飯，中午未夠12時，逾10個年老街坊已在門口排隊。原本在嶺大讀書，因社運輟學，註冊社工做不成，他還是在做大同小異的社區工作，分別只在於與薪級表脫了鈎。
這天，記者跟隨他到竹園邨外婆家晚飯。「就嚟中秋，要安排派月餅，咁啱有個同事整親手唔返得工，所以好多嘢做」。腳下生風，鎖門即衝去截的士。
父母早年離婚，阿聰不諱言與媽媽關係疏離，與71歲外婆林春華更親密。「阿聰最好係唔揀食，佢出返嚟，食咩都得，最緊要有肉」。外孫難得回家吃飯，兩餸一湯，大大碗飯。「佢依家無同我哋住，梗係擔心佢無飯食，不過點都唔夠佢之前坐監咁擔心」。
出身基層單親家庭，患「克魯松氐症等候群」（Crouzon Syndrome）的阿聰體弱多病，外貌異於常人，自小由外婆外公撫養。林春華說聰仔兩歲前做過兩次開腦手術，氣管較常人窄，夜晚睡覺不順，就要協助呼吸。「佢喺屋企，我哋咩都幫佢做晒，擔心佢身體唔好。佢阿媽買過部呼吸機畀佢，佢又唔肯用，成日話冇事」。「冇事」幾成了阿聰口頭禪，「佢細個喺QE（伊利沙伯醫院）睇醫生，幫佢做手術個腦外科主診醫生，話等佢18歲發育定咗先做眼同喉嚨手術，今年4月已經係最後限期」。
外公：我仲後生都去爭取
林春華年輕時為逃避文革來港，孫兒因社運入獄，她挺身護航，「晨運聽到人話佢哋呢啲人淨識搞事，唔抵得都會駁兩句，話我以前初初嚟香港，日做夜做無假放，依家規定個個星期要畀你放假，唔係呢啲人，社會邊度有進步？」
眼巴巴看着外孫賠上前途，林春華說只能眼淚心裏流，倒是阿聰的8旬外公趙子高，飯後兩杯燒酒下肚，憤怒溢於言表：「如果佢作奸犯科，你唔拉佢我都自己送佢去差館，但佢依家做咗咩壞事，你要送佢去監獄？」說起孫兒坐監，他忍不住眼泛淚光：「你問我，如果我仲後生，可能都會出去爭取……我喺香港60幾年，一路見佢差落去，你話點會唔傷心？」
■記者呂麗嬋
22歲的朱偉聰是東北案最年輕的被告。訪問當天，他睡醒第一件事，是趕到石硤尾辦事處派飯，中午未夠12時，逾10個年老街坊已在門口排隊。原本在嶺大讀書，因社運輟學，註冊社工做不成，他還是在做大同小異的社區工作，分別只在於與薪級表脫了鈎。
這天，記者跟隨他到竹園邨外婆家晚飯。「就嚟中秋，要安排派月餅，咁啱有個同事整親手唔返得工，所以好多嘢做」。腳下生風，鎖門即衝去截的士。
父母早年離婚，阿聰不諱言與媽媽關係疏離，與71歲外婆林春華更親密。「阿聰最好係唔揀食，佢出返嚟，食咩都得，最緊要有肉」。外孫難得回家吃飯，兩餸一湯，大大碗飯。「佢依家無同我哋住，梗係擔心佢無飯食，不過點都唔夠佢之前坐監咁擔心」。
出身基層單親家庭，患「克魯松氐症等候群」（Crouzon Syndrome）的阿聰體弱多病，外貌異於常人，自小由外婆外公撫養。林春華說聰仔兩歲前做過兩次開腦手術，氣管較常人窄，夜晚睡覺不順，就要協助呼吸。「佢喺屋企，我哋咩都幫佢做晒，擔心佢身體唔好。佢阿媽買過部呼吸機畀佢，佢又唔肯用，成日話冇事」。「冇事」幾成了阿聰口頭禪，「佢細個喺QE（伊利沙伯醫院）睇醫生，幫佢做手術個腦外科主診醫生，話等佢18歲發育定咗先做眼同喉嚨手術，今年4月已經係最後限期」。
外公：我仲後生都去爭取
林春華年輕時為逃避文革來港，孫兒因社運入獄，她挺身護航，「晨運聽到人話佢哋呢啲人淨識搞事，唔抵得都會駁兩句，話我以前初初嚟香港，日做夜做無假放，依家規定個個星期要畀你放假，唔係呢啲人，社會邊度有進步？」
眼巴巴看着外孫賠上前途，林春華說只能眼淚心裏流，倒是阿聰的8旬外公趙子高，飯後兩杯燒酒下肚，憤怒溢於言表：「如果佢作奸犯科，你唔拉佢我都自己送佢去差館，但佢依家做咗咩壞事，你要送佢去監獄？」說起孫兒坐監，他忍不住眼泛淚光：「你問我，如果我仲後生，可能都會出去爭取……我喺香港60幾年，一路見佢差落去，你話點會唔傷心？」
■記者呂麗嬋
留言 (0)
