新聞類別
港聞
詳情#
【蘋果日報】訪問當晚，梁曉暘剛下班，臉上盡顯疲態。成為東北案入獄抗爭者之前，他是註冊社工，但對社福界充滿疑惑，故從沒正式入行。保釋之後，梁曉暘到一間廣告公司工作，看似風馬牛不相及，但在他眼中都是嘗試將重要訊息傳達給別人。忙碌於工作，沒有太多餘暇去細想終院判決，「如果政權想再用監禁嘅方式去令我唔敢行動或發聲，呢樣打壓係無用」。
「香港人可以捱到幾耐」
去年8月判刑之前，梁曉暘已被一間廣告公司聘用擔任copywriter。談到轉換軌道的想法時，他明言跟社福界的生態有關，「比較繁複嘅文件工作多於直接同服務使用者溝通交流，呢樣嘢我比較抗拒」。
老闆知道他入獄，職位一直保留至出獄後。梁至今工作了半年，「係一個不斷試、不斷錯、不斷學，再繼續去做嘅過程，我幾鍾意呢個過程，因為會不斷去發掘同埋試新嘅嘢」。從社工專業轉職到廣告，從中也尋找到一些共通之處，「做社工除咗去聆聽服務使用者有咩需要外，都會有好多教育性質嘅工作去傳播訊息，但過往要令人去明白呢啲訊息唔係咁容易。喺廣告公司會學到有咩技巧令人更容易去接收訊息，我相信喺社福界或者社運界入面，呢啲技巧都好重要」。
日復日的工作，梁忙碌得無暇細想該以怎樣的心情面對審訊，「都係以平常心去面對，未坐監嗰陣都有預計過，但坐完之後就覺得預計嚟係不切實際，因為唔知個官諗咩，有可能要坐返」。想起入獄會與所愛的人隔絕，他也會感到無力及絕望，但近5個月的牢獄生活並沒有為他帶來戲劇性轉變，「坐監係辛苦，但又無想像中咁地獄，可能自己都突破咗啲心理關口，我會覺得，如果政權想再用監禁嘅方式去令我唔敢行動或發聲，呢樣打壓係無用，應該做嘅嘢我都會去做」。然而，面對眼前的時勢，他也不免感慨，「我擔心嘅唔係政權打壓有幾勁，而係香港人可以捱到幾耐」。
■記者李雨夢
「香港人可以捱到幾耐」
去年8月判刑之前，梁曉暘已被一間廣告公司聘用擔任copywriter。談到轉換軌道的想法時，他明言跟社福界的生態有關，「比較繁複嘅文件工作多於直接同服務使用者溝通交流，呢樣嘢我比較抗拒」。
老闆知道他入獄，職位一直保留至出獄後。梁至今工作了半年，「係一個不斷試、不斷錯、不斷學，再繼續去做嘅過程，我幾鍾意呢個過程，因為會不斷去發掘同埋試新嘅嘢」。從社工專業轉職到廣告，從中也尋找到一些共通之處，「做社工除咗去聆聽服務使用者有咩需要外，都會有好多教育性質嘅工作去傳播訊息，但過往要令人去明白呢啲訊息唔係咁容易。喺廣告公司會學到有咩技巧令人更容易去接收訊息，我相信喺社福界或者社運界入面，呢啲技巧都好重要」。
日復日的工作，梁忙碌得無暇細想該以怎樣的心情面對審訊，「都係以平常心去面對，未坐監嗰陣都有預計過，但坐完之後就覺得預計嚟係不切實際，因為唔知個官諗咩，有可能要坐返」。想起入獄會與所愛的人隔絕，他也會感到無力及絕望，但近5個月的牢獄生活並沒有為他帶來戲劇性轉變，「坐監係辛苦，但又無想像中咁地獄，可能自己都突破咗啲心理關口，我會覺得，如果政權想再用監禁嘅方式去令我唔敢行動或發聲，呢樣打壓係無用，應該做嘅嘢我都會去做」。然而，面對眼前的時勢，他也不免感慨，「我擔心嘅唔係政權打壓有幾勁，而係香港人可以捱到幾耐」。
■記者李雨夢
留言 (0)
