新聞類別
財經
詳情#
【蘋果日報】1）重規則、輕原則
「管人」一方考慮到自己的風險，不願做判斷，因為錯判就可能被指失職。他們傾向訂定一套複雜規則，一切按規則做，將來有錯就是「規則有改善空間」而非失職。但對機構和社會來說，這情況有兩個壞處。第一是「俾人管」那一方苦不堪言，最後雙方惟有把規則各自演繹，出了事就賴溝通問題。第二就是規則追不上市場變化，好易漏招。
2）疏離關係、方便卸責
不敢說政府是為了卸責，但改組、私有化、成立諮詢委員會、外判、甚至大辯論等手段，客觀效果就是把「話事人」和「執行者」的距離拉開。「衰咗」就搵中間的層層架構做擋箭牌。港鐵事件在眼前，不必舉例。
3）不當影響（undue influence）、扮無參與
你有沒有這樣的經歷？上司想做單「攞分嘢」，搵你「傾」；你認為不可行，並指出難處。佢就開始畀說話你聽，講到係你唔想做、不思進取、無社會責任。佢叫你想清楚再寫份報告，仲畀晒面色咁話：「真係唔同意咪寫清楚啲理據囉。」你頂唔住壓力，惟有寫份報告支持方案，難處照講，但變成「可克服的挑戰」。第日單嘢出事，檢視紀錄就會發覺係你提出該方案，你上司只係信錯你！
4）明哲保身、找替死鬼
有些做「風管/合規/內審」工作的人，怕得罪老闆搞到無得撈，但又驚被監管機構處分搞到失去專業資格。他們會在重要關頭玩失蹤：當他們知道有會議要審批重大決策，到時反對就得罪老闆，唔反對又驚將來被清算，於是安排放假、出差、甚至扮病，叫副手代佢去開會，第日出事就有不在場證據。
5）無風起浪、浪費資源
有些人為了「有貢獻」，會把風險作到很大。作大的好處是難以驗證：如果事情真的搞到好大鑊，佢就話「老細，好彩我地一早做定嘢，唔係就仲大件事」；如果乜事都冇，佢就話「老細，如果唔係一早做定嘢，分分鐘出事呀」。這些人浪費公司和社會的資源，但有些老細很受落，因為他們喜歡扮先知！
註：本文經刪減，全文刊於facebook專頁「貼地風管」
（文章由鄭發撰寫，並經其同意轉載。）
鄭發
金管局前助理總裁
「管人」一方考慮到自己的風險，不願做判斷，因為錯判就可能被指失職。他們傾向訂定一套複雜規則，一切按規則做，將來有錯就是「規則有改善空間」而非失職。但對機構和社會來說，這情況有兩個壞處。第一是「俾人管」那一方苦不堪言，最後雙方惟有把規則各自演繹，出了事就賴溝通問題。第二就是規則追不上市場變化，好易漏招。
2）疏離關係、方便卸責
不敢說政府是為了卸責，但改組、私有化、成立諮詢委員會、外判、甚至大辯論等手段，客觀效果就是把「話事人」和「執行者」的距離拉開。「衰咗」就搵中間的層層架構做擋箭牌。港鐵事件在眼前，不必舉例。
3）不當影響（undue influence）、扮無參與
你有沒有這樣的經歷？上司想做單「攞分嘢」，搵你「傾」；你認為不可行，並指出難處。佢就開始畀說話你聽，講到係你唔想做、不思進取、無社會責任。佢叫你想清楚再寫份報告，仲畀晒面色咁話：「真係唔同意咪寫清楚啲理據囉。」你頂唔住壓力，惟有寫份報告支持方案，難處照講，但變成「可克服的挑戰」。第日單嘢出事，檢視紀錄就會發覺係你提出該方案，你上司只係信錯你！
4）明哲保身、找替死鬼
有些做「風管/合規/內審」工作的人，怕得罪老闆搞到無得撈，但又驚被監管機構處分搞到失去專業資格。他們會在重要關頭玩失蹤：當他們知道有會議要審批重大決策，到時反對就得罪老闆，唔反對又驚將來被清算，於是安排放假、出差、甚至扮病，叫副手代佢去開會，第日出事就有不在場證據。
5）無風起浪、浪費資源
有些人為了「有貢獻」，會把風險作到很大。作大的好處是難以驗證：如果事情真的搞到好大鑊，佢就話「老細，好彩我地一早做定嘢，唔係就仲大件事」；如果乜事都冇，佢就話「老細，如果唔係一早做定嘢，分分鐘出事呀」。這些人浪費公司和社會的資源，但有些老細很受落，因為他們喜歡扮先知！
註：本文經刪減，全文刊於facebook專頁「貼地風管」
（文章由鄭發撰寫，並經其同意轉載。）
鄭發
金管局前助理總裁
留言 (0)
