專家：宜用清潔劑沖洗

【蘋果日報】接受測試的其中一人，是任職NGO項目主任的阿淳。她一星期測試中，主要是外出或做運動時才會使用該水樽，「平均每日都有飲到3樽水，每個鐘頭都飲2、3次左右」，飲用過後，每天都會簡單以清水清洗水樽，「我就冇次次都用洗潔精，都係用水喉水沖兩沖咁樣」。
建議倒轉晾乾
對於檢驗出使用的水樽的含菌量高達1,725萬個（CFU），阿淳感到有點驚訝，「可能係我洗樽洗得太求其，但原來驗出嚟係咁高含菌量，我第時會小心啲，同埋無諗過呢款樽會咁高」。阿淳表示，即使是次結果顯示水樽的含菌量高，但她仍然決定使用可重用水樽，「即用即棄嘅樽裝水好似好衞生，但之前有報告話樽裝水九成有微塑膠，我就寧願洗返乾淨啲個水樽，我會堅持用可重用嘅水樽」。
是次測試有一半測試者會每天以清水清洗水樽，但結果發現有一個有清洗的水樽比起另一個同款而沒有清洗的含菌量更高。香港高等教育科技學院食品與健康科學學系特任導師黃浩賢建議，若想水樽的含菌量較低，應進行徹底的清潔，「清洗水樽時可以用一啲食物許可清潔劑，再搭配洗奶樽嘅刷去徹底清潔」。鄭志文也建議，「應該買啲易清洗嘅水樽，每次飲完返到去都應該清洗同埋倒返轉個水樽去晾乾佢，如果個口係污糟，飲完應該用洗潔精清洗」。
■記者李雨夢