新聞類別
財經
詳情#
【蘋果日報】上次你跟劉生的建議去少啲日本，終於上到車，但父降橫財十皮嘢，唔係每個高手識點運用。作為上市公司，股東們見你個袋有錢，直線思維梗係想你派高息；資產嚴重折讓，梗係想你私有化啦。但同個人理財一樣，性格決定命運，我哋公司點解要益你喎。
上周英皇鐘錶（887）及橙天嘉禾（1132）分別斥資買物業，引來洗倉式下跌。前者近年keep住十幾億現金，並無長短債，股息率唔算高，今年4月開始回購，預期佢會爽手派息，不過資金最後用來買廣東道物業，價值18億，名副其實的一「舖」清袋，跟手公佈的半年盈利大增三倍，但減派息，股價兩日就跌咗三成。後者去年賣產後慷慨地兩度派特別息，當大家以為管理層洗心革面之時，上星期話要用5.6億人仔買內地物業，青冰平時冇跟開，不敢妄作評論，但股價兩日內跌四成，都戥股東唏噓。
這些都不是個別例子，青冰在那些年都寫過堡獅龍（592）、百盛（3368）及和電（215），全部賣產獲利甚豐，炒特別息概念屬正路，雖然全部有炒過，但結局都係公司袋住先。堡獅龍拎一半錢去玩保本投資，餘額放在銀行發霉；百盛除了買保本投資，其餘的就放在定期存款，後來更改做超過一年的定期，務求令各位股東死心；和電就寫了一年期票，搵唔到好投資先至派，究竟係學電能（006）咁先拖後派，定係如青冰早前分析，買東南亞電訊資產，幾個月後就會揭盅。
管理層是否喜歡分錢令股東happy，係要估估吓，但通常賣產後的首個業績都唔派，咁你應該要有離場的打算，間中炒吓冇問題，但死守並非上策，今年唔少公司賣產時已講明會派，待投票及交割後便會落實日期，通常這段時間都係較冗長及易被人遺忘，所以值博率較上面的守株待兔更高，戰友不妨多啲留意吧。
青冰
http://fb.com/chingbing888
本欄逢周四刊出
上周英皇鐘錶（887）及橙天嘉禾（1132）分別斥資買物業，引來洗倉式下跌。前者近年keep住十幾億現金，並無長短債，股息率唔算高，今年4月開始回購，預期佢會爽手派息，不過資金最後用來買廣東道物業，價值18億，名副其實的一「舖」清袋，跟手公佈的半年盈利大增三倍，但減派息，股價兩日就跌咗三成。後者去年賣產後慷慨地兩度派特別息，當大家以為管理層洗心革面之時，上星期話要用5.6億人仔買內地物業，青冰平時冇跟開，不敢妄作評論，但股價兩日內跌四成，都戥股東唏噓。
這些都不是個別例子，青冰在那些年都寫過堡獅龍（592）、百盛（3368）及和電（215），全部賣產獲利甚豐，炒特別息概念屬正路，雖然全部有炒過，但結局都係公司袋住先。堡獅龍拎一半錢去玩保本投資，餘額放在銀行發霉；百盛除了買保本投資，其餘的就放在定期存款，後來更改做超過一年的定期，務求令各位股東死心；和電就寫了一年期票，搵唔到好投資先至派，究竟係學電能（006）咁先拖後派，定係如青冰早前分析，買東南亞電訊資產，幾個月後就會揭盅。
管理層是否喜歡分錢令股東happy，係要估估吓，但通常賣產後的首個業績都唔派，咁你應該要有離場的打算，間中炒吓冇問題，但死守並非上策，今年唔少公司賣產時已講明會派，待投票及交割後便會落實日期，通常這段時間都係較冗長及易被人遺忘，所以值博率較上面的守株待兔更高，戰友不妨多啲留意吧。
青冰
http://fb.com/chingbing888
本欄逢周四刊出
留言 (0)
