「新舊媒體可共存共鳴」

【蘋果日報】由大學開始，工作一直未離開過傳媒的陳志雲，逾30年來面對傳媒的轉變與新媒體崛起，不少人認為傳統媒體會因此而沒落，但在陳志雲眼裏，兩者可以共存共鳴。
提防抄襲　須有獨特風格
「我唔覺得會沒落，睇吓你轉型去做乜嘢」。現時任職商台首席智囊的陳志雲率先為廣播界護航，他說：「我覺得聲音唔會沒落。」
他舉例指手機看影片需要大量數據之餘，收到訊息時影片會中斷，但聲音不會，而且聲音媒體與新媒體有不少特徵相似，即時性、互動性、滲透性以及接收範圍都很強。文字媒介雖然相對難做，不過他說：「講深入分析，都係要靠文字，係聲音同影像都取替唔到。」
陳志雲又認為，目前新媒體與傳統媒體的分別是入門門檻，新媒體門檻較低，造就了年輕人發表新想法的平台，加上內容有香港特色，但成功後會引來其他人抄襲，所以要有風格，舉例指「我覺得《志雲飯局》冇得抄，因為冇咗志雲就冇志雲飯局」。他說：「有自己獨特嘅風格，先可以持續落去。」
收費是否一條出路？「香港乜都free慣，所以pay好難做！」他指Netflix的成功是因為選擇很多，而且在免費的世界找不到，所以收費須視乎提供的是甚麼內容，「即時新聞我一定唔會（畀錢睇），係人都有啦，我多過頭㖭呀」。
「Subscription有冇得做？好難話有定冇，睇吓係咪淨係收錢嘅business model，收錢之後畀乜佢，點畀法，marketing technique係乜嘢，要成盤考慮」。