「YT冇平賣樓畀我」

【蘋果日報】作為打工仔，今時今日，有甚麼好得過老闆用一層樓吸引你過檔？傳聞當年俞琤就是用一層樓吸引陳志雲跳出政府過檔商台，陳志雲澄清：「冇平賣畀我，亦冇加價賣畀我！」
他憶述與舊老闆之間，這一幢何文田街33號舊樓的故事：「嗰度我好鍾意，其實我有啲後悔賣咗出嚟。」當年俞琤住所在何文田山，何文田街就在山腳，俞琤用297萬買入單位，「嗰度實用面積有1,400至1,600呎，閒閒哋開一個派對，叫人企喺度飲嘢40至50人冇問題，仲可以上埋天台」。在一次與俞琤的閒談中，他提起「呢條街（何文田街）真係唔錯，幾好喎！」俞琤表示自己剛在這條街買樓，還主動邀請陳志雲說：「個業主仲喺度嘅，搵日你上嚟睇吓，但係唔好話我預備讓畀你，你當係嚟同我睇裝修啦。」結果陳志雲愛上何文田街33號這幢3層高的舊樓，俞琤亦割愛出讓。他再三強調，俞琤是原價出讓，並無平賣。
年輕人「供得起就可以買」
當日陳志雲雖未獲老闆「折讓價」上車，但總算得到一點幫助，今日又如何勉勵年輕人？「我覺得你供得起就冇問題，真係。可能你覺得我好儍，乜嘢叫供得起？你自己嘅收入就算加息都唔怕，就真係冇問題」。
政府壓抑樓價幫到手嗎？陳志雲如是說：「哼！（停一秒）我就唔覺得政府有乜做到可以壓抑樓價。」