新聞類別
財經
詳情#
【蘋果日報】新興市場腥風血雨！8月埋單，阿根廷披索累跌25.6%，土耳其里拉累跌24.9%；金磚五國（BRICS）中，巴西雷亞爾、俄羅斯盧布、印度盧比、南非蘭特亦分別累跌7.3%、7.4%、3.5%、9.6%，人民幣以「逆周期因子」頂住仍跌0.2%。新興市場碌低，港股亦要陪跌。
過去兩年，最熱門交易係借入低息嘅成熟市場貨幣，買入高息嘅新興市場貨幣，賺價賺息；不過，隨住美滙指數8月中衝上97關，新興市場貨幣受壓，套息交易瀨嘢。
新興市場資金流向，由流入轉為流出。阿根廷、土耳其外債高企，對外圍資金流動最為敏感；中國則對貿易順逆差最為敏感，最怕貿易資金流向逆轉。9月首個交易日，滬股跌0.2%，港股跌0.6%，淡友正在趁新興市場股滙雙殺出擊，兼等特朗普本周發動第三輪中美貿易戰。
恒指出現「孤島」見頂形態，下跌裂口兩日未能補回，幾可確認近兩周嘅反彈已完，後市有機會打穿上月低位26871，攞命！本月利淡因素主要都係：新興市場貨幣危機、中美貿易戰升級、美國聯儲局議息。美國本月加息幾成定局，香港走唔甩要跟隨，不利後市。
股市向下尋底，入市必須小心。呢啲時勢，不妨留意防守性較強嘅高息股，例如公路股。原因有二：一、公路股嘅收費增速高過GDP增速。上半年，6隻中資公路股嘅路費收入增長平均為8.4%，高過中國GDP嘅6.8%增長。二、公路股嘅股息率已超過以高息見稱嘅內銀股。
綜合證券商預測，公路股今明兩年預測股息率分別為5.9厘同6.3厘，扣埋股息稅都超過5厘；不過，公路股亦有風險，就係人民幣貶值沒完沒了。公路股中，我比較睇好越秀交通基建（1052），皆因今年以嚟，股價表現比同業硬淨，當同業尋底時，仍錄得8.9%升幅。
割柑人
本欄逢周二刊出
過去兩年，最熱門交易係借入低息嘅成熟市場貨幣，買入高息嘅新興市場貨幣，賺價賺息；不過，隨住美滙指數8月中衝上97關，新興市場貨幣受壓，套息交易瀨嘢。
新興市場資金流向，由流入轉為流出。阿根廷、土耳其外債高企，對外圍資金流動最為敏感；中國則對貿易順逆差最為敏感，最怕貿易資金流向逆轉。9月首個交易日，滬股跌0.2%，港股跌0.6%，淡友正在趁新興市場股滙雙殺出擊，兼等特朗普本周發動第三輪中美貿易戰。
恒指出現「孤島」見頂形態，下跌裂口兩日未能補回，幾可確認近兩周嘅反彈已完，後市有機會打穿上月低位26871，攞命！本月利淡因素主要都係：新興市場貨幣危機、中美貿易戰升級、美國聯儲局議息。美國本月加息幾成定局，香港走唔甩要跟隨，不利後市。
股市向下尋底，入市必須小心。呢啲時勢，不妨留意防守性較強嘅高息股，例如公路股。原因有二：一、公路股嘅收費增速高過GDP增速。上半年，6隻中資公路股嘅路費收入增長平均為8.4%，高過中國GDP嘅6.8%增長。二、公路股嘅股息率已超過以高息見稱嘅內銀股。
綜合證券商預測，公路股今明兩年預測股息率分別為5.9厘同6.3厘，扣埋股息稅都超過5厘；不過，公路股亦有風險，就係人民幣貶值沒完沒了。公路股中，我比較睇好越秀交通基建（1052），皆因今年以嚟，股價表現比同業硬淨，當同業尋底時，仍錄得8.9%升幅。
割柑人
本欄逢周二刊出
留言 (0)
