住戶：放過盤　但無話180萬

【蘋果日報】繼二手樓外，居二市場交投一樣近冰封，房委會最新公佈，今年8月全港僅錄得51宗居屋第二市場（未補地價居屋及公屋）成交，較7月101宗再少近一半，為1998年8月錄得47宗以來的廿年新低。嚴寒之際，公屋再出現新低成交。
「梗係平　啲人都亂嚟」
房委會成交紀錄顯示，黃大仙東頭（二）邨一個實用面積439方呎中層單位，上月以未補價售出，成交價180萬元，呎價僅4,100元，料低市價四成，呎價屬屋苑逾兩年新低，並較屋苑對上一宗成交呎價低近五成。
市傳東頭（二）邨曾有一個相同面積放盤，叫價220萬元，而近期同面積放盤單位僅此一間。
記者登門造訪，單位中門大開，大閘鎖上並加裝磨砂膠板，但仍可看見單位內櫳乾淨企理，拍門後一名女士上前，記者表明身份，並問這單位是否以未補地價180萬元賣出，她感到奇怪地表示：「我都無賣!」對於坊間有傳其單位賣出，她重申：「咁都得，我都未賣！」追問其單位是否放盤，她回應：「有放過盤，但無講過180萬元。（咁放多少錢？）放幾多錢就唔需要講，總之就唔係180萬元囉！」對於有同類型單位以180萬元賣出，她覺得「梗係平啦！啲人都亂嚟。」至於何謂合理，她就無再回應。
原業主23.5萬買入
資料顯示，這單位原業主姓關，並於2002年以23.5萬元一手購入，其後在2010年將單位加名予一名孫氏人士，最後於2013年剔除關氏姓名，變成孫氏一人持有。