新聞類別
財經
詳情#
【蘋果日報】不經不覺，著名股評人沈振盈被冠以「燈神」稱號逾10年，但他對這稱號只是忍受而非接受，自覺受盡「網絡欺凌」。今年初大升市時，網絡又為他起了新名號──「沈判日」，調侃他的淡市預測，誰知大半年後恒指真的跌了5,000點，「沈判」判詞或成真。他帶點不平說：「如果經常錯，點會咁多人睇、咁多Fans追逐呢？」
撰文：張婷婷
攝影：彭大偉
沈振盈的「燈神」稱號，初見於07年，有一批網民恒常地針對沈的言論作出攻擊，「總之一錯便拎嚟講、誇大嚟講、扭曲嚟講，甚至『老屈』！」大師氣忿難平，覺得受盡「網絡欺凌」，而且攻擊無日無之，令「燈神」之名牢牢扣在身上。
「如果係『燈神』，點會咁多人睇呢？」他以當年在《蘋果日報》撰寫的專欄「實戰理論」為例，因他成功預測07年金融海嘯，在投資版點擊率升至數一數二，「你有性格、有觀點、有堅持，人哋見到你有分析，講中咗，就一路追住嚟睇囉！」
沈大師表示，這十多年來，很多準確預測的例子都是跟當時市場氣氛唱反調，如07年股市升上牛市最後一段；再早之前沙士期間，他很早便建議市民買樓；其後濠賭股的升跌、體育用品股的爆煲，他都曾作出準確預測，「其實大浪、大的行業或板塊轉角，我每每都講中。咁呢樣嘢係唔係『燈』呢？」不過他亦明言預測沒有100%準確，有時今天預測某隻股份會反彈，結果翌日不彈反跌，「呢啲錯基本上個個都會有！」
今年是沈大師的「轉角市」。今年1月，他出席「城市論壇」後稱股市近頂，自己「一股不留」，各大網絡討論區隨即湧出「明燈出動」、「與沈對賭」、「即刻瞓身」等留言，並出現了「沈判日」等揶揄他的網絡潮語。事隔大半年，恒指跌了5,000點，沈大師不再燈：「現時正股我唔揸！衍生工具炒上落，炒揸沽，博緊反彈，但注碼好細。」
下半年的投資建議，沈大師表示，「一定係揸現金、存定期，唔好買基金！」他認為現時銀行定期年息有兩厘多，不遜於公用股的股息。記者嘀咕：「滙控（005）有5厘息！」沈大師即指出，滙控股價由年初高位86元，已經跌了近兩成！
證券行高層竟然建議投資者存定期，點做生意？他笑言：「咁咪畀人鬧囉！其實做生意有好多種做法，你係要谷死個客，定係攤長嚟做呢？」再者客人亦有自己的想法，他只是建議投資方向，「你叫佢唔好買，佢自己都會買。」
斷言步入熊市 明年見萬六點
沈大師斷言股災已經出現，今年步入熊市！他表示，年初提出時仍未太肯定，2月至5月恒指反覆上落，他當時的投資建議是三萬點樓下買貨，三萬一點樓上沽貨，如今回看建議完全正確，他本人身體力行堅持熊市策略高位沽貨。直至6月跌穿三萬點，「我便確定我啱！」
若「沈判」判詞成真，港股熊市，恒指明年將會跌至萬六至萬八點，回到2009年的水平，屆時無疑是股民「審判日」（Judgement day）。「當時個市牛氣沖天，三萬三點，屢創新高，全世界睇三萬八甚至四萬點，啲人想睇我點死，整咗一個『大沈判日』，諗住喺四萬點嚟審判我，可惜事與願違！」
不過大師年初估計上半年見兩萬四點，全年見兩萬點，但8月中時還有兩萬七，月底更倒升上兩萬八點。「係唔到兩萬四，呢啲你可以話我錯，但成個方向局勢已出現，估話去到邊，邊個估得到呢？」
類似情況亦出現在騰訊（700），去年股價未上400元，沈大師已稱它不值此價睇淡，今年1月衝上470元後反覆下行。8月業績後曾低見325元，月底回升至360元，此前大師曾估計它會跌至300元。「你諗下470落到320，我估300算唔算估中呢？呢個大家判斷囉，咁點都好過估500嗰啲啩！」
撰文：張婷婷
攝影：彭大偉
沈振盈的「燈神」稱號，初見於07年，有一批網民恒常地針對沈的言論作出攻擊，「總之一錯便拎嚟講、誇大嚟講、扭曲嚟講，甚至『老屈』！」大師氣忿難平，覺得受盡「網絡欺凌」，而且攻擊無日無之，令「燈神」之名牢牢扣在身上。
「如果係『燈神』，點會咁多人睇呢？」他以當年在《蘋果日報》撰寫的專欄「實戰理論」為例，因他成功預測07年金融海嘯，在投資版點擊率升至數一數二，「你有性格、有觀點、有堅持，人哋見到你有分析，講中咗，就一路追住嚟睇囉！」
沈大師表示，這十多年來，很多準確預測的例子都是跟當時市場氣氛唱反調，如07年股市升上牛市最後一段；再早之前沙士期間，他很早便建議市民買樓；其後濠賭股的升跌、體育用品股的爆煲，他都曾作出準確預測，「其實大浪、大的行業或板塊轉角，我每每都講中。咁呢樣嘢係唔係『燈』呢？」不過他亦明言預測沒有100%準確，有時今天預測某隻股份會反彈，結果翌日不彈反跌，「呢啲錯基本上個個都會有！」
今年是沈大師的「轉角市」。今年1月，他出席「城市論壇」後稱股市近頂，自己「一股不留」，各大網絡討論區隨即湧出「明燈出動」、「與沈對賭」、「即刻瞓身」等留言，並出現了「沈判日」等揶揄他的網絡潮語。事隔大半年，恒指跌了5,000點，沈大師不再燈：「現時正股我唔揸！衍生工具炒上落，炒揸沽，博緊反彈，但注碼好細。」
下半年的投資建議，沈大師表示，「一定係揸現金、存定期，唔好買基金！」他認為現時銀行定期年息有兩厘多，不遜於公用股的股息。記者嘀咕：「滙控（005）有5厘息！」沈大師即指出，滙控股價由年初高位86元，已經跌了近兩成！
證券行高層竟然建議投資者存定期，點做生意？他笑言：「咁咪畀人鬧囉！其實做生意有好多種做法，你係要谷死個客，定係攤長嚟做呢？」再者客人亦有自己的想法，他只是建議投資方向，「你叫佢唔好買，佢自己都會買。」
斷言步入熊市 明年見萬六點
沈大師斷言股災已經出現，今年步入熊市！他表示，年初提出時仍未太肯定，2月至5月恒指反覆上落，他當時的投資建議是三萬點樓下買貨，三萬一點樓上沽貨，如今回看建議完全正確，他本人身體力行堅持熊市策略高位沽貨。直至6月跌穿三萬點，「我便確定我啱！」
若「沈判」判詞成真，港股熊市，恒指明年將會跌至萬六至萬八點，回到2009年的水平，屆時無疑是股民「審判日」（Judgement day）。「當時個市牛氣沖天，三萬三點，屢創新高，全世界睇三萬八甚至四萬點，啲人想睇我點死，整咗一個『大沈判日』，諗住喺四萬點嚟審判我，可惜事與願違！」
不過大師年初估計上半年見兩萬四點，全年見兩萬點，但8月中時還有兩萬七，月底更倒升上兩萬八點。「係唔到兩萬四，呢啲你可以話我錯，但成個方向局勢已出現，估話去到邊，邊個估得到呢？」
類似情況亦出現在騰訊（700），去年股價未上400元，沈大師已稱它不值此價睇淡，今年1月衝上470元後反覆下行。8月業績後曾低見325元，月底回升至360元，此前大師曾估計它會跌至300元。「你諗下470落到320，我估300算唔算估中呢？呢個大家判斷囉，咁點都好過估500嗰啲啩！」
留言 (0)
