區會劃界　輪椅女嘆搵議員要碌落山

【蘋果日報】選管會早前公佈明年區選的選區劃界建議，除了新增21個新選區，另有過百選區有改動。部份被建議改劃的選區，不單惹來當區區議員批評，甚至令街坊叫苦連天，其中原屬「葵涌邨南」、位於葵涌邨山上的春、夏、秋葵樓均被劃入山下的「葵興」選區，有經常要向區議員求助的輪椅少女感嘆日後搵議員要經過「長命斜、百步梯」，或遇危險，「唔搵好過搵」。
需要以電動輪椅代步的阿茵是葵涌邨南區選民，住在被建議劃走的春葵樓。她遷入葵涌邨後不時因身體需要而向區議員求助，2014年便在當區議員黃潤達協助下向房署申請在公屋養狗，以便協助弱聽和行動不便的她。她坦言區議員的協助非常重要，得悉春葵樓會被劃入葵興選區，阿茵直言或不會再向議員求助，「太遠喇，唔方便，唔搵好過搵」。
黃潤達轟忽視社區特性
阿茵指，平日由家中出發到黃潤達的辦事處只需15分鐘，且毋須上斜落斜，但要到葵興就至少要45分鐘，「嗰條長命斜，你一個唔留神，你睇唔到呢，就會撞落石壆同渠位，甚至乎個位太窄呀，有啲漏洞一撞落去會瀨嘢！」
黃潤達批評選管會劃界時忽視了社區特性，而上次區議會選舉他比建制派對手多500多票，而在葵涌邨的春、夏、秋葵樓票站他贏對手400多票，質疑選管會將其主要服務區域劃走，令他在區會選舉優勢大減。
■記者陳嘉裕