村代表斥環保署「冇做過嘢」

【蘋果日報】下白泥是港人觀賞日落及打卡的勝地，看似優美的地點卻逃不過被屯門稔灣堆填區污染的命運。下白泥村村代表指，堆填區污水問題早已煩擾村民多時，希望環保署正視該區的污染問題。有位於受污染河流附近的養魚戶表示，近年因滲漏及污染，養殖的魚蝦陸續死亡。
《蘋果》記者到達下白泥受到污染的大水坑河，大水坑河在堆填區附近，下游的河水明顯混濁，亦嗅到陣陣臭味從河裏飄散出來。下白泥村村代表鄭偉君指，堆填區所產生的污染問題已困擾村民多年，特別在過去6、7年間更為嚴重，「大家要去承受濃烈嘅臭味，今日落雨已經冇咁嚴重，同埋好大塵，另外就係已經滲漏過污水好多次，環保署應該出嚟承認返個錯誤，佢哋係應該去監察堆填區嘅運作，但咁多年嚟冇做過嘢」。
憂堆填區擴建加劇污染
養魚戶郭同德（圖）的魚塘位於受污染的大水坑河附近，距離不足50米，在魚塘同樣能嗅到臭味，「我喺呢到養咗魚11年，跟住2013年左右，就開始有批蝦同埋魚死咗，總共發生過4次，嚴重影響生計」。他希望堆填區勿再排放污水，以讓他能重新作業，「呢樣嘢真係令我好苦困，損失咁多」。鄭偉君擔心，若將來政府擴建屯門稔灣堆填區，會造成更大的污染問題，「如果擴建3倍，我哋污染問題會更嚴重」。
■記者李雨夢