杜汶澤舞台劇笑彈氹Fans

【蘋果日報】杜汶澤將會和盤菜瑩子合作演出舞台劇《我殺死了尊貴客戶》，於11月17、18日在灣仔伊館演出3場，杜汶澤昨受訪時透露，今次是林日曦提議合作，因自上次和盤菜瑩子合作《日本風涼話》後，不少觀眾都覺得他們似父女，而他亦覺得這個兩父女故事幾有趣。
阿澤之前演舞台劇都是客串形式，這趟首次擔正做主角，他笑說：「乜都要試吓，我賣點除咗搞笑外，唔通sell靚仔？有見依家社會氣氛咁灰，做搞笑都好嘅，相信觀眾都會開心。」至於賣點是否僅有搞笑？阿澤指還有唱歌跳舞，他笑說：「從來冇諗過我搞騷賣飛有問題，最擔心把口有問題，所以對本身票房一啲擔心都冇，都係嗰句希望冇血案發生，最唔想見到。」
採訪：李森