新聞類別
財經
詳情#
【蘋果日報】中美貿易談判食白果，人行隨即重啟逆周期因子，加上聯儲局主席鮑威爾放鴿，金融市場生猛番。周一滬股飆1.9%；港股更飆2.2%，大致收復8月中嘅下跌裂口。
睇大台套宮廷劇，清朝後宮同港股市場幾似。清朝后妃分為八等：皇后一人、皇貴妃一人、貴妃二人、妃四人、嬪六人，另有貴人、常在、答應。前五者有定額，如無出缺唔可以冊封；後三者無定數，皇帝鍾意就可以冊封。前五者同藍籌股差不多，恒指季檢有剔出有納入。
乾隆嘅藍籌股，包括：皇后富察氏、嫻妃（後為繼皇后）、令妃（後追封皇后）、純妃（後為皇貴妃）等。乾隆最愛富察皇后，不論生死愛足72年，就如長情股民對舊經濟股王滙控（005）咁，撻落33元仍不離不棄。嫻妃則如另一過氣股王中移動（941），被乾隆冷落。
令妃就如新經濟股王騰訊（700），成乾隆新寵。純妃則似醫藥股，精通藥理，但謀害皇嗣黑材料被挖出，遭乾隆打入冷宮。醫藥股本來有勢，繼石藥（1093）6月染藍後，中國生物製藥（1177）下月亦染藍，但7月內地長生生物（深002680）爆出假疫苗醜聞，醫藥股即被洗倉。
藍籌組合有醫藥股，正如屋企有個藥箱，啱嘅；但乾隆揸嘅係純妃，就如錯買長生生物，唯有哭股喪！睇返本港上市嘅醫藥股，近日陸續派成績表，其實唔差。單睇升呢藍籌股嘅石藥同中國生物製藥，前者中期多賺41%，後者中期多賺24%，兩者業績都對辦。咁，邊隻好啲？
以反映產品盈利能力嘅毛利率計，石藥為64%，中國生物製藥為81%；以反映業務盈利能力嘅經營利潤率計，前者為22%，後者為25%。以反映整體盈利能力嘅純利率計，前者為17%，後者為14%。二揀一，我比較睇好石藥。周一兩者都搶升3.6%，石藥更呈區域突破。
割柑人
本欄逢周二刊出
睇大台套宮廷劇，清朝後宮同港股市場幾似。清朝后妃分為八等：皇后一人、皇貴妃一人、貴妃二人、妃四人、嬪六人，另有貴人、常在、答應。前五者有定額，如無出缺唔可以冊封；後三者無定數，皇帝鍾意就可以冊封。前五者同藍籌股差不多，恒指季檢有剔出有納入。
乾隆嘅藍籌股，包括：皇后富察氏、嫻妃（後為繼皇后）、令妃（後追封皇后）、純妃（後為皇貴妃）等。乾隆最愛富察皇后，不論生死愛足72年，就如長情股民對舊經濟股王滙控（005）咁，撻落33元仍不離不棄。嫻妃則如另一過氣股王中移動（941），被乾隆冷落。
令妃就如新經濟股王騰訊（700），成乾隆新寵。純妃則似醫藥股，精通藥理，但謀害皇嗣黑材料被挖出，遭乾隆打入冷宮。醫藥股本來有勢，繼石藥（1093）6月染藍後，中國生物製藥（1177）下月亦染藍，但7月內地長生生物（深002680）爆出假疫苗醜聞，醫藥股即被洗倉。
藍籌組合有醫藥股，正如屋企有個藥箱，啱嘅；但乾隆揸嘅係純妃，就如錯買長生生物，唯有哭股喪！睇返本港上市嘅醫藥股，近日陸續派成績表，其實唔差。單睇升呢藍籌股嘅石藥同中國生物製藥，前者中期多賺41%，後者中期多賺24%，兩者業績都對辦。咁，邊隻好啲？
以反映產品盈利能力嘅毛利率計，石藥為64%，中國生物製藥為81%；以反映業務盈利能力嘅經營利潤率計，前者為22%，後者為25%。以反映整體盈利能力嘅純利率計，前者為17%，後者為14%。二揀一，我比較睇好石藥。周一兩者都搶升3.6%，石藥更呈區域突破。
割柑人
本欄逢周二刊出
回應 (0)
