阿芝單身派對KB送股

【蘋果日報】卓韻芝下月15日嫁給從事電影美術的梁子賢，友人余迪偉等日前替她搞婚前單身派對，《玩爆你個腎》主持Kevin Boy（KB）都出動，不出所料，阿芝被玩爆，她前晚在Ig貼相後留言：「昨晚Bridal Shower變成#玩爆你個腎，感謝你們精心安排的大整蠱，超級黐線。」KB說：「好玩呀呢，你啲朋友癲㗎，我都替你正日擔心。」相中見到余迪偉作狀跟阿芝「上頭」，阿芝手上拿着疑似陽具糖。
問到KB如何玩阿芝？他昨日說：「我哋安排咗個脫衣舞男，阿芝以為有正嘢益佢，舞男開始除衫，友人蒙咗阿芝對眼畀佢摸，呢個時候我就換咗個舞男，阿芝係咁摸個pat係我嘅，阿芝後來開眼罩知係我，猛話要『洗手』。阿芝仲話都覺奇，摸落去咁dum，我蝕底少少，梗係要賀佢，買禮物我又唔夠錢，咪大家開心吓囉。」
採訪：楊定