新聞類別
副刊
詳情#
【蘋果日報】學生自殺潮、女歌手輕生，無不令人痛心，筆名「做金庸的男人」的年輕網絡作家劉晡照（金仔），新近走出文字框框，在零資金下網上號召組成製作團隊，借單親母女尋代寫遺書服務的故事，改編成微電影免費放上網，道出自殺者背後的心聲。「當初寫呢個故事，係見到網上好多肆意批評嘅人。」自殺的都是廢青？求死只因抗逆力太差？與其筆戰，不如借故事打動人心。團隊計劃趁下月開學，與社工走進校園和社區，藉光影鼓勵活着，與年輕人一同抗逆：「每個人逐少去做，或者就可以改變些少。」
撰文：呂麗嬋
攝影：陳善南
「每逢自殺新聞，一定有人喺網上大肆批評，單憑新聞幾句，你點知背後故事？」
相約製作團隊成員接受訪問前，發生了盧凱彤墮樓悲劇，全城哀鳴。「每次睇到呢啲新聞，都好唔開心。」低氣壓的香港，太多憤怒和絕望，年輕人總活得不快樂，金仔感嘆。好在，自小熱愛寫作，善感的他找到情感宣洩的窗口，大三那年，他就以筆名在討論區連載小說《是咁的 我嘅職業係幫人寫遺書》，借「另類寫信佬」帶出不同自殺者背後的故事，獲出版社青睞出書，小說更獲金閱獎最佳文史哲書，成功由網絡殺出現實世界。
無心插柳下圓作家夢，這個矢志以金庸為目標的大男孩，直言創作源自前年的學生自殺潮，希望透過故事論生死談救贖，告訴自殺者生命中還有許多值得珍惜；亦讓批評者反思，不要作二次傷害。「每逢自殺新聞，除咗最多RIP，一定有人喺網上留言大肆批評，其實單憑新聞幾句，你點知背後故事？」網絡判官無處不在，討厭筆戰但又不吐不快，他想到不如創作故事。「你喺網度作任何回應，都唔會打到入對方嘅心，我希望將想講嘅，都放喺故事入面。」
現職電影編劇，去年浸大歷史系畢業的他，不諱言一直迷戀故事的力量。「我讀歷史出身，老師都係用故事講歷史，等於你細個聽寓言故事學到教訓。」只是以遺書為創作起點，暗黑陰沉，但劉深信去到絕望的盡頭，就有希望。「我看事物嘅角度，其實幾灰沉，預咗徒勞無功，從呢個角度睇，又唔係咁差……如果太樂觀，一遇呢個世界未如想像，就會好失望。」他說：「唔係話我嘅故事可根治到自殺，但每個人逐少去做，就可以改變些少。」
「9月開學係學生壓力最大嘅時間，希望電影話畀佢哋聽佢哋唔係孤獨。」
由文字到影像，他說是新嘗試，在他眼中，不同平台說到底都是載體，達者為先。「未寫小說時，有啲睇法想感染身邊朋友親人，到自己寫小說，就想接觸多啲讀者，依家拍微電影，係希望透過影像，接觸讀者以外更多嘅觀眾，畢竟影像有畫面同聲音，感官刺激更大，確實可接觸更多不同嘅受眾。」只是寫作可單打獨鬥，拍電影就涉團隊合作，自言是影像初哥的他，首次自編自導甚至客串大茄幕前演出，雖只20分鐘的微電影習作，一樣得嚴陣以待。「寫作好個人，鍾意點寫就點寫，拍電影就唔同，要與不同人合作，有時意見唔同，但大家都係為件事好，所以合作得好開心，好似好多個大腦喺度一齊諗。」
熱衷社區工作的區潔怡，就是金仔其中一個仗義助拳的大腦。「機緣巧合睇咗個古仔，又知道金仔想將故事改編成微電影，覺得好有意思，好想件事做得成。」沒資源沒班底，做過市場推廣的小妮子，就透過網絡和人脈，號召有心人組成攝製隊，希望為低氣壓的社會，帶來一點希望。「正因為冇錢，大家都冇利益因素吸引，所以反而唔介意行多步，好似最初搵唔到酒樓場地，多得有演員主動搵人幫手，如果係商業製作，根本唔係佢份內嘅工作。」
資金不足下完成，一點也不易，就是戲內的校服，區說都是拍膊頭「眾籌」得來。眾志成城，由最初只單純希望拍段片放上網，引發關注，到完成後社區公映兩場全爆滿，區謂看到觀眾的反應，再辛苦都值得。「每逢9月開學，都係學生壓力最大嘅時間，希望電影可以帶出訊息，話畀佢哋聽佢哋唔係孤獨，身邊仲有好多人理解同支持佢哋。」她透露正聯繫社會機構，希望開學後舉辦放映會和講座，走進學校和社區，與年輕人一齊正視問題。
除了區潔怡，響應號召熱心助拳的，還有年輕演員趙詩蕊，過去多拍開心題材的小妮子，首次擔綱被欺凌的角色。「我都係單親家庭長大，特別感同身受。」小三時因媽媽要工作養家，一度被送往寄宿學校：「覺得被同學孤立，好唔開心，試過飲沐浴露自殺……好在被老師發現救番。」升中後與媽媽團聚，情況才好轉，小妮子說希望其他受困的年輕人，也可以和她以及電影內的女孩一樣，最終走出幽谷。有興趣的讀者，可上以下網址看有關微電影： https://www.youtube.com/watch?v=D8ZknhEIjQk&feature=youtu.be
撰文：呂麗嬋
攝影：陳善南
「每逢自殺新聞，一定有人喺網上大肆批評，單憑新聞幾句，你點知背後故事？」
相約製作團隊成員接受訪問前，發生了盧凱彤墮樓悲劇，全城哀鳴。「每次睇到呢啲新聞，都好唔開心。」低氣壓的香港，太多憤怒和絕望，年輕人總活得不快樂，金仔感嘆。好在，自小熱愛寫作，善感的他找到情感宣洩的窗口，大三那年，他就以筆名在討論區連載小說《是咁的 我嘅職業係幫人寫遺書》，借「另類寫信佬」帶出不同自殺者背後的故事，獲出版社青睞出書，小說更獲金閱獎最佳文史哲書，成功由網絡殺出現實世界。
無心插柳下圓作家夢，這個矢志以金庸為目標的大男孩，直言創作源自前年的學生自殺潮，希望透過故事論生死談救贖，告訴自殺者生命中還有許多值得珍惜；亦讓批評者反思，不要作二次傷害。「每逢自殺新聞，除咗最多RIP，一定有人喺網上留言大肆批評，其實單憑新聞幾句，你點知背後故事？」網絡判官無處不在，討厭筆戰但又不吐不快，他想到不如創作故事。「你喺網度作任何回應，都唔會打到入對方嘅心，我希望將想講嘅，都放喺故事入面。」
現職電影編劇，去年浸大歷史系畢業的他，不諱言一直迷戀故事的力量。「我讀歷史出身，老師都係用故事講歷史，等於你細個聽寓言故事學到教訓。」只是以遺書為創作起點，暗黑陰沉，但劉深信去到絕望的盡頭，就有希望。「我看事物嘅角度，其實幾灰沉，預咗徒勞無功，從呢個角度睇，又唔係咁差……如果太樂觀，一遇呢個世界未如想像，就會好失望。」他說：「唔係話我嘅故事可根治到自殺，但每個人逐少去做，就可以改變些少。」
「9月開學係學生壓力最大嘅時間，希望電影話畀佢哋聽佢哋唔係孤獨。」
由文字到影像，他說是新嘗試，在他眼中，不同平台說到底都是載體，達者為先。「未寫小說時，有啲睇法想感染身邊朋友親人，到自己寫小說，就想接觸多啲讀者，依家拍微電影，係希望透過影像，接觸讀者以外更多嘅觀眾，畢竟影像有畫面同聲音，感官刺激更大，確實可接觸更多不同嘅受眾。」只是寫作可單打獨鬥，拍電影就涉團隊合作，自言是影像初哥的他，首次自編自導甚至客串大茄幕前演出，雖只20分鐘的微電影習作，一樣得嚴陣以待。「寫作好個人，鍾意點寫就點寫，拍電影就唔同，要與不同人合作，有時意見唔同，但大家都係為件事好，所以合作得好開心，好似好多個大腦喺度一齊諗。」
熱衷社區工作的區潔怡，就是金仔其中一個仗義助拳的大腦。「機緣巧合睇咗個古仔，又知道金仔想將故事改編成微電影，覺得好有意思，好想件事做得成。」沒資源沒班底，做過市場推廣的小妮子，就透過網絡和人脈，號召有心人組成攝製隊，希望為低氣壓的社會，帶來一點希望。「正因為冇錢，大家都冇利益因素吸引，所以反而唔介意行多步，好似最初搵唔到酒樓場地，多得有演員主動搵人幫手，如果係商業製作，根本唔係佢份內嘅工作。」
資金不足下完成，一點也不易，就是戲內的校服，區說都是拍膊頭「眾籌」得來。眾志成城，由最初只單純希望拍段片放上網，引發關注，到完成後社區公映兩場全爆滿，區謂看到觀眾的反應，再辛苦都值得。「每逢9月開學，都係學生壓力最大嘅時間，希望電影可以帶出訊息，話畀佢哋聽佢哋唔係孤獨，身邊仲有好多人理解同支持佢哋。」她透露正聯繫社會機構，希望開學後舉辦放映會和講座，走進學校和社區，與年輕人一齊正視問題。
除了區潔怡，響應號召熱心助拳的，還有年輕演員趙詩蕊，過去多拍開心題材的小妮子，首次擔綱被欺凌的角色。「我都係單親家庭長大，特別感同身受。」小三時因媽媽要工作養家，一度被送往寄宿學校：「覺得被同學孤立，好唔開心，試過飲沐浴露自殺……好在被老師發現救番。」升中後與媽媽團聚，情況才好轉，小妮子說希望其他受困的年輕人，也可以和她以及電影內的女孩一樣，最終走出幽谷。有興趣的讀者，可上以下網址看有關微電影： https://www.youtube.com/watch?v=D8ZknhEIjQk&feature=youtu.be
回應 (0)
