新聞類別
港聞
詳情#
【蘋果日報】香港人，可能是全世界最不誠實而又最喜歡用電腦的族群。何以見得？過去五年，每年都有百多人因《刑事罪行條例》161條（下稱161條）下的「有犯罪或不誠實意圖而取用電腦罪」被捕或被控，平均兩至三日就有一人「犯案」。
入侵他人電腦、收發機密資料、手機偷拍，甚至網上戲言講打講殺，統統都會被警方視為「不誠實取用電腦」，動輒得咎。
直至月初協和小學案在高等法院裁決，「萬能key」神話才告破滅。根據法庭判詞，161條下的「取用電腦」，僅應適用於禁止未經授權及不誠實擷取及使用電腦資訊，「取用」跟「使用」不同，使用自己的電腦或手機並非未經授權取用電腦。律政司被迫暫停多宗以此萬能key檢控的案件，並決定就協和小學案上訴至終審法院。無論結果如何，161條的濫用已嚴重打擊公民社會的言論空間，造成寒蟬效應。
記者：謝明明 佘錦洪
高登仔：佢就係要你自我審查
在協和小學案判詞中，高等法院暫委法官彭中屏明確指出，161條中的「取用電腦」不應涵蓋使用自己的電腦交流、拍照或傳播訊息。2014年6月，一名年僅15歲的「高登仔」使用家中電腦發佈了「衝擊立法會指南」，被控有犯罪意圖而取用電腦，結果被判入更生中心半年。如今已是大學生的他，對高登討論區已敬而遠之，雖然他還會有限度參與社運，但自言為了自身安全、為了家人，已經不會走得太前。
2014年6月，立法會審議東北發展撥款期間，黃家豪（Gary）以「人民弊傢伙」網名在高登討論區發佈「衝擊立法會指南」，呼籲網民參與在立法會的示威行動，指示威者可帶噴漆、滅火筒、梳打汽水和萬樂珠去噴公安，用尖銳工具打爆玻璃，以及將搶來的盾牌和鐵馬作防禦和路障之用等等。
質疑政府殺雞儆猴
Gary不久後被捕，被控有犯罪意圖而取用電腦罪，他在律師建議下承認控罪，原意是希望換取較輕刑罰，即以感化代替進入更生中心，但結果被重判「入冊」半年，刑滿後仍須入住中途宿舍3個月。被捕時Gary是中四學生，如今他已考入城大，修讀公共政策學系。
「我會覺得呢個解釋嚟得遲咗」，這是Gary得知協和小學案判詞後的一個反應。4年前，他是在家中使用自己的電腦上網，卻被律政司成功入罪。「4年之後先有個智力正常啲嘅法官，話咁樣有問題喎」。Gary說沒有打算翻案，但仍很不屑警方借161條打壓言論自由。
回望自己的判罪，Gary感覺這宗案件就像是政府刻意拿來做測試：「我單案係喺2014年11月判，雨傘革命仲未完，咁我單案判咗，告得入，坐埋監，（政府就）開始濫用呢條條例，情況越來越猖獗。」Gary指警方引用161條的地步，「已經進化到佢可能唔想告得入你，拉咗先喇，唔告由佢（疑犯）驚吓都好」。
「呢條罪太易入，同埋煩，電腦電話動不動就收咗你，完咗單案先畀番你」。他指出，政府已成功利用161條達到打壓異己的目標，因為大家都害怕「中咗」161條而自我審查：「好多政治思想都係傾出嚟㗎嘛，但係網上平台唔能夠自由咁去討論一啲反政府嘅聲音，討論示威方法，會令到政府主導思想，我哋就冇辦法集合一班人去討論應該點去應對。」
顧及家人轉趨低調
Gary表示就算不怕坐監，社運人士仍然會為了保護家人而被迫收斂。他在大嶼山沙嘴更生中心服刑期間，家人每次探望他，都要花上一整天時間：「做仔嘅，一定良心過意唔去，明明你屋企人禮拜六、日可以休息，但係依家就要搭個幾鐘車入去，為咗見你半粒鐘，再搭個幾鐘頭車出返去，好玩咩？喺屋企瞓覺好過啦。」「我仲係覺得自己做嘅嘢係啱嘅，做咗應該做嘅嘢」。Gary解釋：「叫人去示威係應該做嘅，要令到個政府notice我哋嘅意見，認真咁考慮我哋嘅聲音，因為佢係越嚟越唔理你㗎嘛。2003年50萬人示威佢會理你㗎嘛，後嚟佢唔理你嘅程度升級，咁我哋就要升級。」
不過Gary承認參與社運已經比以前低調：「我仲會關注東北發展，但係可能唔會再出嚟示威。」他近來仍有替社運組織企街站、派傳單，但是「去到好前線就未必，一嚟擔心自己安全，二嚟都要顧吓屋企人感受」。訪問當天，Gary帶了一部手提電腦，電腦上有張貼紙寫着「Hong Kong is NOT China」。記者問他還有沒有上網討論時政，他說上網留言會比較小心：「一定要小心啲囉，我依家唔會好open咁討論，私底下喺WhatsApp、Telegram呢啲比較安全嘅途徑，我會覺得冇問題。但係好open咁喺香港嘅forum度講嘢要小心啲囉。」
記者再問他，還有沒有上高登？Gary苦笑着說：「唉！不了不了。連登仲有keep住睇，但係冇乜特別嘢想講。
有犯罪或不誠實意圖而取用電腦條例全文
（1）
任何人有下述意圖或目的而取用電腦—
（a）
意圖犯罪（不論是在取用電腦的同時或在日後任何時間）；
（b）
不誠實地意圖欺騙（不論是在取用電腦的同時或在日後任何時間）；
（c）
目的在於使其本人或他人不誠實地獲益（不論是在取用電腦的同時或在日後任何時間）；或
（d）
不誠實地意圖導致他人蒙受損失（不論是在取用電腦的同時或在日後任何時間），
即屬犯罪，一經循公訴程序定罪，可處監禁5年。
資料來源：香港法例
入侵他人電腦、收發機密資料、手機偷拍，甚至網上戲言講打講殺，統統都會被警方視為「不誠實取用電腦」，動輒得咎。
直至月初協和小學案在高等法院裁決，「萬能key」神話才告破滅。根據法庭判詞，161條下的「取用電腦」，僅應適用於禁止未經授權及不誠實擷取及使用電腦資訊，「取用」跟「使用」不同，使用自己的電腦或手機並非未經授權取用電腦。律政司被迫暫停多宗以此萬能key檢控的案件，並決定就協和小學案上訴至終審法院。無論結果如何，161條的濫用已嚴重打擊公民社會的言論空間，造成寒蟬效應。
記者：謝明明 佘錦洪
高登仔：佢就係要你自我審查
在協和小學案判詞中，高等法院暫委法官彭中屏明確指出，161條中的「取用電腦」不應涵蓋使用自己的電腦交流、拍照或傳播訊息。2014年6月，一名年僅15歲的「高登仔」使用家中電腦發佈了「衝擊立法會指南」，被控有犯罪意圖而取用電腦，結果被判入更生中心半年。如今已是大學生的他，對高登討論區已敬而遠之，雖然他還會有限度參與社運，但自言為了自身安全、為了家人，已經不會走得太前。
2014年6月，立法會審議東北發展撥款期間，黃家豪（Gary）以「人民弊傢伙」網名在高登討論區發佈「衝擊立法會指南」，呼籲網民參與在立法會的示威行動，指示威者可帶噴漆、滅火筒、梳打汽水和萬樂珠去噴公安，用尖銳工具打爆玻璃，以及將搶來的盾牌和鐵馬作防禦和路障之用等等。
質疑政府殺雞儆猴
Gary不久後被捕，被控有犯罪意圖而取用電腦罪，他在律師建議下承認控罪，原意是希望換取較輕刑罰，即以感化代替進入更生中心，但結果被重判「入冊」半年，刑滿後仍須入住中途宿舍3個月。被捕時Gary是中四學生，如今他已考入城大，修讀公共政策學系。
「我會覺得呢個解釋嚟得遲咗」，這是Gary得知協和小學案判詞後的一個反應。4年前，他是在家中使用自己的電腦上網，卻被律政司成功入罪。「4年之後先有個智力正常啲嘅法官，話咁樣有問題喎」。Gary說沒有打算翻案，但仍很不屑警方借161條打壓言論自由。
回望自己的判罪，Gary感覺這宗案件就像是政府刻意拿來做測試：「我單案係喺2014年11月判，雨傘革命仲未完，咁我單案判咗，告得入，坐埋監，（政府就）開始濫用呢條條例，情況越來越猖獗。」Gary指警方引用161條的地步，「已經進化到佢可能唔想告得入你，拉咗先喇，唔告由佢（疑犯）驚吓都好」。
「呢條罪太易入，同埋煩，電腦電話動不動就收咗你，完咗單案先畀番你」。他指出，政府已成功利用161條達到打壓異己的目標，因為大家都害怕「中咗」161條而自我審查：「好多政治思想都係傾出嚟㗎嘛，但係網上平台唔能夠自由咁去討論一啲反政府嘅聲音，討論示威方法，會令到政府主導思想，我哋就冇辦法集合一班人去討論應該點去應對。」
顧及家人轉趨低調
Gary表示就算不怕坐監，社運人士仍然會為了保護家人而被迫收斂。他在大嶼山沙嘴更生中心服刑期間，家人每次探望他，都要花上一整天時間：「做仔嘅，一定良心過意唔去，明明你屋企人禮拜六、日可以休息，但係依家就要搭個幾鐘車入去，為咗見你半粒鐘，再搭個幾鐘頭車出返去，好玩咩？喺屋企瞓覺好過啦。」「我仲係覺得自己做嘅嘢係啱嘅，做咗應該做嘅嘢」。Gary解釋：「叫人去示威係應該做嘅，要令到個政府notice我哋嘅意見，認真咁考慮我哋嘅聲音，因為佢係越嚟越唔理你㗎嘛。2003年50萬人示威佢會理你㗎嘛，後嚟佢唔理你嘅程度升級，咁我哋就要升級。」
不過Gary承認參與社運已經比以前低調：「我仲會關注東北發展，但係可能唔會再出嚟示威。」他近來仍有替社運組織企街站、派傳單，但是「去到好前線就未必，一嚟擔心自己安全，二嚟都要顧吓屋企人感受」。訪問當天，Gary帶了一部手提電腦，電腦上有張貼紙寫着「Hong Kong is NOT China」。記者問他還有沒有上網討論時政，他說上網留言會比較小心：「一定要小心啲囉，我依家唔會好open咁討論，私底下喺WhatsApp、Telegram呢啲比較安全嘅途徑，我會覺得冇問題。但係好open咁喺香港嘅forum度講嘢要小心啲囉。」
記者再問他，還有沒有上高登？Gary苦笑着說：「唉！不了不了。連登仲有keep住睇，但係冇乜特別嘢想講。
有犯罪或不誠實意圖而取用電腦條例全文
（1）
任何人有下述意圖或目的而取用電腦—
（a）
意圖犯罪（不論是在取用電腦的同時或在日後任何時間）；
（b）
不誠實地意圖欺騙（不論是在取用電腦的同時或在日後任何時間）；
（c）
目的在於使其本人或他人不誠實地獲益（不論是在取用電腦的同時或在日後任何時間）；或
（d）
不誠實地意圖導致他人蒙受損失（不論是在取用電腦的同時或在日後任何時間），
即屬犯罪，一經循公訴程序定罪，可處監禁5年。
資料來源：香港法例
回應 (0)
