新聞類別
娛樂
詳情#
【蘋果日報】香港樂隊RubberBand（RB）成軍十年，雖然他們由出道至今經歷過不少人生高高低低，由五缺一成為四人組合，與歌迷互相見證大家的成長，今年進入人生另一個新階段，不過RB無忘初心，選擇重返當年首度開騷地方，回顧這十年的轉變。
今年樂隊RubberBand成軍十年，下月26日將會重返當年第一次開騷的地方，即九展Star Hall舉行「RubberBand Hours演唱會」，他們亦決定當日推出同名新專輯《Hours》。RB的四位成員包括主音6號（繆浩昌）、鼓手泥鯭（黎萬宏）、結他手阿正（馮庭正）和低音結他手阿偉（李兆偉），日前在觀塘接受《蘋果》訪問，對於RB選擇在踏入十周年的大日子開騷，成員阿偉說：「其實十年前嘅9月26號，就係我哋第一張唱片《Apollo 18》嘅發佈日子，希望今次可以同歌迷一齊回顧我哋十年嚟嘅日子。」
見證歌迷成家
主音6號亦解釋何解選擇在同日出碟：「因為好羨慕其他樂隊可以喺台上向Fans呼籲我哋出咗碟，呢吓我覺得好有型，依家終於可以做到。」阿偉補充：「現時可以買唱片嘅地方越嚟越少，希望今次可以提供多一個地方畀大家。」
回顧十年歲月，RB四子坦言與歌迷一同見證大家的成長，泥鯭說：「睇住有唔少歌迷由少女到依家結婚有小朋友，組織自己嘅家庭，同時亦都見證住我哋RubberBand成長。」對於今次演唱會的期望？阿正說：「我哋最希望觀眾可以用一個最輕鬆嘅心態入嚟，鍾意唱就跟住一齊唱、鍾意跳就起身一齊跳，咁樣我哋就最開心。」雖然製作唱片與音樂會的籌備工作同步進行，不過RB異口同聲表示，不覺得會有太多壓力，阿偉說：「其實唱片喺舊年已開始做緊，我哋好有信心全部嘢可以同步完成。」
閉關準備開騷
事實上RB的歌迷本身很期待今次的演出，當日演唱會門票在網上優先訂票，甫開售在短短八分鐘已經合全部售罄，他們隨即宣佈加開9月27日一場，當日是6號的正日生日，一眾隊友笑言：「我哋會叫歌迷帶定蛋糕或壽包入場，到時掟上台同6號賀壽！」在開騷前夕，他們坦言把握最後機會不停為演出拍攝宣傳片，同時亦宣傳新歌《未來見》，接着會閉關練歌。
採訪：曹家誠
攝影：沈健程、廖達燊
今年樂隊RubberBand成軍十年，下月26日將會重返當年第一次開騷的地方，即九展Star Hall舉行「RubberBand Hours演唱會」，他們亦決定當日推出同名新專輯《Hours》。RB的四位成員包括主音6號（繆浩昌）、鼓手泥鯭（黎萬宏）、結他手阿正（馮庭正）和低音結他手阿偉（李兆偉），日前在觀塘接受《蘋果》訪問，對於RB選擇在踏入十周年的大日子開騷，成員阿偉說：「其實十年前嘅9月26號，就係我哋第一張唱片《Apollo 18》嘅發佈日子，希望今次可以同歌迷一齊回顧我哋十年嚟嘅日子。」
見證歌迷成家
主音6號亦解釋何解選擇在同日出碟：「因為好羨慕其他樂隊可以喺台上向Fans呼籲我哋出咗碟，呢吓我覺得好有型，依家終於可以做到。」阿偉補充：「現時可以買唱片嘅地方越嚟越少，希望今次可以提供多一個地方畀大家。」
回顧十年歲月，RB四子坦言與歌迷一同見證大家的成長，泥鯭說：「睇住有唔少歌迷由少女到依家結婚有小朋友，組織自己嘅家庭，同時亦都見證住我哋RubberBand成長。」對於今次演唱會的期望？阿正說：「我哋最希望觀眾可以用一個最輕鬆嘅心態入嚟，鍾意唱就跟住一齊唱、鍾意跳就起身一齊跳，咁樣我哋就最開心。」雖然製作唱片與音樂會的籌備工作同步進行，不過RB異口同聲表示，不覺得會有太多壓力，阿偉說：「其實唱片喺舊年已開始做緊，我哋好有信心全部嘢可以同步完成。」
閉關準備開騷
事實上RB的歌迷本身很期待今次的演出，當日演唱會門票在網上優先訂票，甫開售在短短八分鐘已經合全部售罄，他們隨即宣佈加開9月27日一場，當日是6號的正日生日，一眾隊友笑言：「我哋會叫歌迷帶定蛋糕或壽包入場，到時掟上台同6號賀壽！」在開騷前夕，他們坦言把握最後機會不停為演出拍攝宣傳片，同時亦宣傳新歌《未來見》，接着會閉關練歌。
採訪：曹家誠
攝影：沈健程、廖達燊
回應 (0)
