會師中環：當Big4比iBank更吸引

【蘋果日報】早陣子，有人才戰略公司訪問本地大學生，希望了解他們心目中最有吸引力的僱主是誰。商科學生的結果有點爆冷，因為Big 4之一的安永竟僅次於政府、Google及摩根大通排第四，力壓摩根士丹利及高盛，另一Big4羅兵咸則與Apple叮噹碼頭，分別排第十及第九。
這個結果之所以算爆冷，是因為Big4和iBank在薪水和前途有一定距離，但在大學生心中兩者卻竟是可比較的對手，Big4甚至有可能更吸引。可能有人會話，這只不過反映大學生有自知之明，始終iBank只有少數精英才能入，所以大部份學生都會退而求其次，揀門檻較低的Big4。但正如調查顯示，更難入的Google卻能排第二，就證明「知難而退」並不足以解釋為何Big4的排名可與iBank比較。
如果我們整個表去解讀，整件事就容易明白。Big4與排第一的政府工都有一大優點，就是穩定，這亦是比iBank少數優勝之處。可見現時大學生搵工，「求安定」已是一大考慮，為甚麼年輕人如此渴望安穩的生活？歸根究底，就係因為時下香港根本提供唔到一個可靠環境畀年輕人，生活冇安全感自然要搵份穩定嘅工。當標榜穩定嘅工成為年輕人嘅首選，社會嘅活力同創新亦會隨之減少，對香港絕對係一個警號，值得大家留意。
神仙丁
《審計搵丁》負責人
http://facebook.com/AuditSlave/
本欄逢周五刊出