新聞類別
港聞
詳情#
【蘋果日報】為開拓更大水源，劉孝偉除了藉電影掠水，還疑訛稱投資農莊、餐廳等項目向投資者埋手，慣常地假借別人的生意當成自己的投資項目，製造「百足咁多爪」的形象，輕易吸金過百萬元。
予人感覺「好多瓣數」
「Party house原來係你㗎？佢（劉孝偉）話係佢㗎喎！」受害人之一阿Ming報警當日才從其他受害人口中得知，原來自己經營的派對場地生意一直被劉孝偉利用四出「融資」，「想話畀人聽有好多門生意，令到人哋相信佢（劉孝偉）」。劉孝偉2016年認識阿Ming時，除了電影投資，亦曾自稱另經營親子餐廳，予人感覺「好多瓣數」。
由於阿Ming對飲食業無興趣，劉孝偉轉而游說投資農莊生意，去年6月突然以WhatsApp傳了一堆露營車及農莊的相片給阿Ming，直問：「我喺元朗投咗個農莊，你有興趣一齊做嗎？」劉聲稱在錦田有一幅農地可作農莊之用，並指需要80萬元資金，惟阿Ming只願投資30萬元，劉即表示沒有問題。
但阿Ming夾股後方發現建設進度緩慢，至後期劉再要求阿Ming墊支逾10萬元購買音響設備和遊樂設施等，「嗰啲錢一直都冇畀返我」。直至去年底事件爆煲，阿Ming大感愕然，「你盤生意做咗幾年……有頭有面嘅人，點解可以一吓咁樣走咗去呢？」
據知，劉孝偉疑以相同手法取得其他投資者信任。2015年Osman給予劉80萬元用於不同項目，「佢話大概拎80萬出嚟，就可以收返40萬利潤，連本帶利120萬」，並保證一年內可以取回全數投資額。Osman稱全因相信劉才投資，「佢成日講一句說話，『我樓就兩層，我啲舖頭，老婆又喺度女又喺度，我走得去邊？』」最終Osman取回50萬元後劉孝偉就失去聯絡，被騙30萬元。
然而，翻查土地註冊處物業資料，劉氏夫婦在港沒有物業，他口中的舖頭大部份亦不屬於他本人。
■記者龔蕙芝
予人感覺「好多瓣數」
「Party house原來係你㗎？佢（劉孝偉）話係佢㗎喎！」受害人之一阿Ming報警當日才從其他受害人口中得知，原來自己經營的派對場地生意一直被劉孝偉利用四出「融資」，「想話畀人聽有好多門生意，令到人哋相信佢（劉孝偉）」。劉孝偉2016年認識阿Ming時，除了電影投資，亦曾自稱另經營親子餐廳，予人感覺「好多瓣數」。
由於阿Ming對飲食業無興趣，劉孝偉轉而游說投資農莊生意，去年6月突然以WhatsApp傳了一堆露營車及農莊的相片給阿Ming，直問：「我喺元朗投咗個農莊，你有興趣一齊做嗎？」劉聲稱在錦田有一幅農地可作農莊之用，並指需要80萬元資金，惟阿Ming只願投資30萬元，劉即表示沒有問題。
但阿Ming夾股後方發現建設進度緩慢，至後期劉再要求阿Ming墊支逾10萬元購買音響設備和遊樂設施等，「嗰啲錢一直都冇畀返我」。直至去年底事件爆煲，阿Ming大感愕然，「你盤生意做咗幾年……有頭有面嘅人，點解可以一吓咁樣走咗去呢？」
據知，劉孝偉疑以相同手法取得其他投資者信任。2015年Osman給予劉80萬元用於不同項目，「佢話大概拎80萬出嚟，就可以收返40萬利潤，連本帶利120萬」，並保證一年內可以取回全數投資額。Osman稱全因相信劉才投資，「佢成日講一句說話，『我樓就兩層，我啲舖頭，老婆又喺度女又喺度，我走得去邊？』」最終Osman取回50萬元後劉孝偉就失去聯絡，被騙30萬元。
然而，翻查土地註冊處物業資料，劉氏夫婦在港沒有物業，他口中的舖頭大部份亦不屬於他本人。
■記者龔蕙芝
留言 (0)
