林偉駿亂開舖　優品老闆惹公憤　759新主席：薄利多銷　無意放盤

【蘋果日報】759阿信屋母公司CEC國際（759）公佈創辦人兼前主席林偉駿離世消息不久，同業優品360°老闆林子峰即批評林偉駿營商之道，言談間暗示有興趣收購阿信屋，惹來網民圍剿。CEC國際新任主席鄧鳳群昨接受本報電話專訪時直言：「老闆（林偉駿）視呢間公司係命根，係佢第二個仔，我哋只會諗點樣做好佢！」繼續薄利多銷大方向。
記者：邱曉欣
昨日CEC國際（759）火速公佈委任執行董事鄧鳳群接任新主席兼董事總經理等職位。對於林子峰的言論，現正忙於交接工作的鄧直言：「老闆啱啱先走咗，其實咁樣講唔係好appropriate（恰當），隔籬間公司講乜我控制唔到，呢個時候唔好講呢啲嘢，係對老闆嘅尊重。」
稱言論不當急道歉
日後阿信屋會否賣盤，鄧鳳群坦言，此事應由公司股東決定，不過，她從沒聽過林偉駿生前有意思賣盤，「任何一個識林生嘅都知道，呢間公司係佢命根，759阿信屋係佢（林偉駿）一手造出嚟」。
林子峰昨回覆本報記者電話查詢時表示，對阿信屋未來去向感到擔憂，因怕阿信屋落入強者手中，打倒自己。他又質疑阿信屋的經營模式，認為林偉駿「唔識做生意，亂咁開舖」，阿信屋母企CEC國際，殼連公司市值約6億元，直言如果10億元以下都會有興趣，暗示有意洽購。
不過，言論一出即惹來網民批評，網上輿論形成「759對抗360」兩大陣營，絕大部份網民擁護阿信屋。有網民批評林子峰無口德，林偉駿離世即乘人之危，揚言要罷買優品360°；亦有零星網民認為阿信屋生意難做，賣盤非壞事，但如買家是優品360°會有反感。
眼見言論激起民憤，林子峰昨午急發聲明，指其對林偉駿離世感到突然和惋惜，個人非常欣賞林偉駿「敢博果斷」的作風，個人對阿信屋業務及資產價值的評價，不代表有任何具體收購意向，對言論表達不當引起誤解感抱歉。受憧憬賣盤消息炒作，阿信屋昨股價最多升1.23倍，收市報0.89元，仍升逾九成，成交1.42億元。
鄧鳳群建議設公祭
阿信屋一向以折扣做招徠，鄧鳳群稱，今後阿信屋會繼續薄利多銷的大方向，「老闆由做廠到做零售，佢都好堅持呢個原則，林生喺唔喺度，我哋都跟番林生嘅方向做」。公司管理層忙於交接，林偉駿家人則忙於處理林的身後事。鄧鳳群表示，曾跟林偉駿家人溝通，指其葬禮仍在籌劃中，未有進一步資料。林偉駿生前甚得行家及市民愛戴，昨公司收到不少來電慰問，鄧指會向家屬建議設公祭，讓大眾悼念林老闆。
街坊撐759
譚女士：「好突然囉！又冇咗個良心老闆。咁香港會點呀？搵唔到個咁嘅良心老闆。」
黎太：「希望唔會出現經營困難啦！（繼續經營）大家都好嘛，我哋買慣買熟。」
吳小姐：「阿信屋貨品選擇比超市多同平，之前喺度買支嘢飲，出面要10蚊，但呢度只係7蚊。」