新聞類別
財經
詳情#
【蘋果日報】「超人」李嘉誠退休後，專注基金會嘅醫療同教育工作，之前接受傳媒訪問時仲話歡迎大家介紹新project，近日佢就同港大校長張翔、醫管局主席梁智仁、中大校長段崇智笑晒口合照，原來喺醫療上有新項目。
推「愛能助」計劃
華華聽聞，近日有醫生同李嘉誠提到香港好多「夾心基層」，要獨自承擔沉重醫療開支，李嘉誠聽到呢個term，就去了解吓乜嘢情況，發現原來好多公院病人雖然係雙薪家庭，可以自給自足，但如果其中一個人病咗，醫療費用頓成重擔，但又唔夠資格申請政府資助，由「夾心」淪為「基層」。
李嘉誠轉頭同旗下基金會研究幫忙病人方法，推出一個名為「愛能助」計劃，預料2019年初正式落實，試行一年，遲啲希望恒常化運作。計劃包括捐1,000萬元資助照電腦掃描（CT），例如公院部份初期癌症照CT要自費，依家每人資助5,000蚊。另外捐2,000萬元資助公院通波仔手術，同樣係每人資助5,000蚊，兩項目料6,000人受惠。
另外，李嘉誠再捐3,500萬元畀屯門醫院建立電腦掃描中心；最後係捐3,500萬元畀港大及中大支持研究工作同埋支持教學醫院嘅病人。聽講，李嘉誠近排都係專注創新科技項目，亦多咗時間研究經濟同科技發展，近排多咗睇醫療書籍，同埋生物與健康趨向分析文件。
LiWaWa@AppleDaily.com
李華華
推「愛能助」計劃
華華聽聞，近日有醫生同李嘉誠提到香港好多「夾心基層」，要獨自承擔沉重醫療開支，李嘉誠聽到呢個term，就去了解吓乜嘢情況，發現原來好多公院病人雖然係雙薪家庭，可以自給自足，但如果其中一個人病咗，醫療費用頓成重擔，但又唔夠資格申請政府資助，由「夾心」淪為「基層」。
李嘉誠轉頭同旗下基金會研究幫忙病人方法，推出一個名為「愛能助」計劃，預料2019年初正式落實，試行一年，遲啲希望恒常化運作。計劃包括捐1,000萬元資助照電腦掃描（CT），例如公院部份初期癌症照CT要自費，依家每人資助5,000蚊。另外捐2,000萬元資助公院通波仔手術，同樣係每人資助5,000蚊，兩項目料6,000人受惠。
另外，李嘉誠再捐3,500萬元畀屯門醫院建立電腦掃描中心；最後係捐3,500萬元畀港大及中大支持研究工作同埋支持教學醫院嘅病人。聽講，李嘉誠近排都係專注創新科技項目，亦多咗時間研究經濟同科技發展，近排多咗睇醫療書籍，同埋生物與健康趨向分析文件。
LiWaWa@AppleDaily.com
李華華
回應 (0)
