李亞男想祖藍陪產

【蘋果日報】上月宣佈懷孕的李亞男昨日現身沙田，為梳化店擔任揭幕嘉賓，身形面形沒有走樣的亞男，還笑指有時忘記腹中BB不自覺地越行越快，問到老公王祖藍會否陪她戒口？她說：「我都會陪佢食刺身，因為佢好鍾意食，但係佢會同我講話啲刺身過咗期，臭嘅，好難食。」
亞男表示懷孕至今未有出現嘔吐情況：「最近開始感覺到BB有少少郁。」她表示已懷孕逾4個月，性別稍後公佈，她指通常頭胎是囡囡會似爸爸，如果是囝囝就似媽媽，她說：「佢啲基因咁強，好難講啦今次呢單嘢，好驚！」問到祖藍是否已答應陪伴入產房？她說：「呢個都係考慮嘅其中因素，因為如果我穿羊水時，爸爸喺台上做嘢，我會好失望。若果係開刀，咁爸爸就可以請假。」
採訪：馬建華
攝影：林賓尼