郭富城為戲減磅呻辛苦

【蘋果日報】郭富城與余香凝昨晚在圓方出席電影節活動，城城為香港國際電影節擔任大使，透露同楊千嬅正在拍攝鄭保瑞的香港電影《陌路人》，飾演一個貧窮的角色，因此要為戲減肥，他表示：「今次角色好滄桑，成日沉思，拍戲時狀態唔想抽離，屋企人問我諗緊乜，唯一重要嘅嘢係食嘢，唔食嘢就唔開心，我開工時間係唔食嘢，到收工先食搵到快樂，雖然辛苦但享受。」
提到囡囡Chant於9月就滿1歲，城城已同公司申請假期，希望有充裕時間準備：「佢未識叫我，出緊牙仔，牙牙學語，不時摸我啲鬍鬚，之前我拍戲都有留過鬚，係蒼白恐怖啲，依家變番黑色，佢覺得好親切，有爸爸陣除，撩開我嘴巴搞我。」此外，城城表示有人以他相片同近似名字冒充開Ig，販賣他11月世界巡迴個唱，提醒歌迷不要墮入騙案。
採訪：羅慧敏
攝影：仇志德