梁朝偉放大假陪家人

【蘋果日報】梁朝偉、唐嫣及馬楚成前晚出席電影《歐洲攻略》假銅鑼灣舉行的首映，偉仔受訪時表示完成香港站宣傳會放假至明年1月。他又透露，早前拍電影愛上彈琴後，特意找導師學，現在每天早上運動，下午就練琴，生活好充實。他說：「開心最緊要，唔係半退休，唔係唔拍戲，但會揀好嘅劇本先做，我都拍咗36年戲，咁多年嚟一路衝，都冇時間留畀身邊人，依家想陪多啲媽媽、太太、外母、妹妹同姪女，畀多啲時間佢哋。」
偉仔續稱，有叫太太劉嘉玲學習放慢腳步：「佢慢唔到落嚟，我試過秋天想去睇紅葉，叫佢陪我，結果佢都淨係放到一個禮拜假，佢好鍾意熱鬧，鍾意見到一班人，我就反而鍾意自己一個。」現時回復自由身，偉仔笑說希望嘉玲不要替他接太多工作。
採訪：曹家誠
攝影：葉君海