鄭秀文「批准」安仔陪慶生

【蘋果日報】鄭秀文（Sammi）和古天樂等昨晚出席YSL在尖沙嘴的派對。明天46歲生日的Sammi會在澳門舉行演唱會和歌迷一齊過，老公許志安則會同行，Sammi笑言是她批准安仔陪她過生日。早前安仔表示會織冷衫送給她，並會將自己頭像織在衫上，Sammi笑謂：「佢真係織到咪着吓囉，但佢個鼻有排織啦，咁大範圍，咁圓。」
另外，古天樂最近忙於拍電影《犯罪現場》，提到無綫重播他和佘詩曼、宣萱合作的《刑事偵緝檔案IV》，有指兩人都簽了他公司，可會考慮開拍電影版？古仔表示有時間都有重溫，但劇集版權始終在無綫手上，要與對方商討。至於無綫開拍《使徒行者》電視版，問他可會參演？古仔謂：「等佢哋公佈啦，我都有18年冇拍劇，我怕頂唔順，不過有好劇本都會考慮。」
採訪：黃曉妍
攝影：仇志德