蔡思貝操肌唔怕冇人追

【蘋果日報】蔡思貝與攀石及健美運動員鄭麗莎（Lisa）昨日在九龍灣出席運動博覽，蔡思貝父母也現身支持，首次與Lisa合作的蔡思貝大感興奮說：「真係好開心，因為依家有目標想練大隻，之前請教陳奐仁，佢都叫我搵Lisa一齊做gym，我想對自己有交代，想大一個size。」
問蔡思貝為何突然想操肌？她說：「下套劇要做機場特警，之前跑步係有鍛煉，操肌係另一範疇，日常飲食都要注意。」會否怕太大隻沒有男生喜歡？她說：「我係唔會有一日太大隻，因為我骨細，好難先會大隻，依家講完都怕自己做唔到。」提到同屆港姐陳凱琳跟老公鄭嘉穎峇里結婚後恩愛返港，蔡思貝說：「好開心，十指緊扣，我好羨慕佢哋，有情人終成眷屬，佢哋好恩愛好完美，戥佢哋高興。」
採訪：羅慧敏
攝影：陳俊強