25歲仔掌街工「夠膽駁元老」

【蘋果日報】街工經過勞資糾紛及退黨潮後，近日重組執委會，激進新血退場，新任主席為入會僅5年的盧藝賢（圖）。雖然曾參與嶺大圍堵校董會行動，盧卻認同街工於政治運動「企側邊」作風，年僅25歲新仔坦言不感到有33年歷史的街工面臨沒落，但直認「街工等於梁耀忠」是局限，希望培訓第二層接班人出戰2024年立會選舉。
梁耀忠或戰2020立會選舉
退黨潮捲走大半會員，目前街工餘下40多人，去年才大學畢業的盧藝賢上月獲選街工主席。2013年碼頭工潮後對勞工運動產生興趣，盧因緣際會下到街工暑期實習，「（當時）做咗好多議題倡議工作，接觸好多社區街坊組織，嗰時覺得，嘩，呢一種就係喇！呢種（社區勞工化）形式嘅社運社區組織，香港要做民主化，應該就係呢個方向」，同年底加入成為會員。
盧明言會重整招收會員策略，「做得主席，唔希望（街工）銷聲匿迹」。對於有前會員批評街工埋頭社區，缺乏對政治運動支援，盧坦言會內有兩種意見，個人覺得無衝突，但有優次，「絕對唔會放棄社區」。
至於外間有「街工等於梁耀忠」的觀感，盧認同情況不健康，直言推動議題時不按梁或「保忠派」方向有困難，但自言夠膽反駁元老。問及如何復興老牌組織，盧稱會推展網絡發展，加強對外連結，坦言街工乏人出戰，梁耀忠有機會參選2020年立會，但「2024前必須培養新梯隊出嚟」。
新仔揸旗之際，不少元老回朝助陣，包括創會首個職員蘇耀昌及資深區議員梁志成。兩人認為早前退黨潮源於路線分歧，梁形容退黨的年輕人希望「政治化啲、衝去前線」，惟街工「唔可以掟爛地區隻飯碗」；蘇透露街工擬實行政社分家，透過申請資助計劃支援地區勞工工作，避免推動社區事務時與政治行動資源相爭。
■記者梁穎妍