銷售成績將成新指標

【蘋果日報】如今本港受到「息魔」逼近、股市大跌等不利因素籠罩下，南豐集團旗下將軍澳日出康城第六期LP6有機會短期內推售，學者認為，假若樓盤近期推售，銷情定受影響，而其銷售成績將成指標。
冠域商業及經濟研究中心主任關焯照表示，如該盤在現時經濟差的情況推售，銷情將放緩，因為市民受不利因素影響，致上車意欲比以往為低，「7月份一手、二手成交都低，跌到好緊要，近日股市更創12周低位，8月（交投）仲差過7月，10大屋苑成交都放緩晒，仲有唔少人減價放賣單位，入市意欲好差。」
市場充斥不確定性
他補充，市場充斥不確定性，加上不少人相信「十年一大跌」，所以「啲人冇以前咁大膽亂咁買嘢，入市風險都大。」
他強調，該盤將會成為銷售指標，「佢推出嚟要成兩成（近500伙），都唔少嘢，如果賣得慢，其他發展商都會謹慎，賣得唔係太好，（其他發展商）就會縮一縮，因為齊齊推出嚟，齊齊死點算，起碼睇住呢兩、三個月先，經濟環境定咗先再算，起碼唔太差嗰時先推。」