新聞類別
財經
詳情#
【蘋果日報】恒指上周宣佈兩進兩出，結果都唔算好意外，因為東亞（023）及招商局（144）的市值及代表性越來越低，遭踢走只是時間問題，反而青冰就感覺到恒指公司有心改革，事關往年恒指較少連續幾季有變動。
無論去年或今年，恒指都被人戲稱為騰指，因為騰訊（700）比重大波動大，很多時都主宰了當天的升跌，令投資者忘記，滙控（005）都係10%比重喎。本港大市值的股份，主要係內銀內險，但現時金融股已佔恒指48%比重，無論是數目及比重，相信日後都是有減冇加。短期內看，新經濟股份來港上市都會採用同股不同權的形式，小米（1810）入綜合指數已經引起咁大反響，相信恒指公司應該冇吉士在短期內將佢染藍，所以起碼要睇多一年騰指吧。
科網股獨大不單是恒指要面對的問題，美股最強最大的亦是，不過不同的就是美國肯嘗試拆解。標普500指數上周宣佈，將一些股份重新分類，包括facebook及Alphabet在內的6股將離開科技板塊，聯同迪士尼、Netflix及Twitter等十幾隻消費類別的股份，一齊去到新通信板塊。戰友可能會話，都係左袋同右袋，對比重影響不大，但深層意義是不同的。
現時兩隻重型ETF，科技的XLK及非必須品消費的XLY，分別有逾229億及144億美元資產，而新板塊亦已有ETF，是XLC，現時只有4億資產。在港股，你諗唔到嘢買就買盈富（2800），唔使煩。在美國好自然會買XLK，一隻包晒最強最創新的股，長牛令資金源源不絕流入，也間接令此類別跌極有限，現在將幾隻明星股拆開，Apple及facebook/Alphabet不能同時擁有，而新板塊股份的確冇之前咁吸引，投資者未必會盲目追捧，有評論認為此舉係標普近30年最大影響的改動，究竟會不會打亂隻長牛，下個月21日後便有分曉。
青冰
http://fb.com/chingbing888
本欄逢周四刊出
無論去年或今年，恒指都被人戲稱為騰指，因為騰訊（700）比重大波動大，很多時都主宰了當天的升跌，令投資者忘記，滙控（005）都係10%比重喎。本港大市值的股份，主要係內銀內險，但現時金融股已佔恒指48%比重，無論是數目及比重，相信日後都是有減冇加。短期內看，新經濟股份來港上市都會採用同股不同權的形式，小米（1810）入綜合指數已經引起咁大反響，相信恒指公司應該冇吉士在短期內將佢染藍，所以起碼要睇多一年騰指吧。
科網股獨大不單是恒指要面對的問題，美股最強最大的亦是，不過不同的就是美國肯嘗試拆解。標普500指數上周宣佈，將一些股份重新分類，包括facebook及Alphabet在內的6股將離開科技板塊，聯同迪士尼、Netflix及Twitter等十幾隻消費類別的股份，一齊去到新通信板塊。戰友可能會話，都係左袋同右袋，對比重影響不大，但深層意義是不同的。
現時兩隻重型ETF，科技的XLK及非必須品消費的XLY，分別有逾229億及144億美元資產，而新板塊亦已有ETF，是XLC，現時只有4億資產。在港股，你諗唔到嘢買就買盈富（2800），唔使煩。在美國好自然會買XLK，一隻包晒最強最創新的股，長牛令資金源源不絕流入，也間接令此類別跌極有限，現在將幾隻明星股拆開，Apple及facebook/Alphabet不能同時擁有，而新板塊股份的確冇之前咁吸引，投資者未必會盲目追捧，有評論認為此舉係標普近30年最大影響的改動，究竟會不會打亂隻長牛，下個月21日後便有分曉。
青冰
http://fb.com/chingbing888
本欄逢周四刊出
回應 (0)
