森美爆女兒愛儲筆袋

【蘋果日報】森美昨日以百變造型跟小朋友參與紅磡舉行的「時光倒流打工仔」活動，希望將理財智慧傳給小朋友。已為人父的他覺得教小朋友理財應該由物品價值為先，讓小朋友從小明白物品價值及需要性。講到自己理財概念，森美笑說：「我細個住寄宿學校，啲同學嘅daddy個個都係揸Benz，我老竇就係揸的士，所以就令我知道有錢同無錢嘅分別，其實咁樣係唔好，應該令到小朋友知道有錢同冇錢都可以有快樂。」
教導仔女，森美都盡量用這套方式，不過他承認都會盡量給最好的仔女，他說：「我個女好鍾意筆袋，好似佢有7個筆袋，但係佢可以解釋到每一個筆袋有唔同嘅功能，我望住佢啲筆袋就好似望住我太太的手袋一樣，好難搞。」
採訪、攝影：馬建華