陳美齡年底開騷怕冷場

【蘋果日報】陳美齡、陳爽與何基佑等昨日到鑽石山出席「香港金閱獎」活動，陳美齡透露月底將返日本度過63歲生日，老公已約朋友一同吃墨西哥餐慶祝，問到希望老公送驚喜嗎？她笑說：「佢唔浪漫，冇驚喜，浪字有3點，佢1點都冇，唔緊要啦，唔使驚喜，都咁大年紀。」闊別香港樂壇30多年的陳美齡指，12月27及28日將於伊館開騷：「我怕朋友去晒旅行，想早啲講畀大家知，我上次個人演唱會係喺利舞台，今次演出係家庭式，唱歌同育兒知識分享都會有。」
陳爽則透露將到歐洲跟紐約出席婚禮，問她是否出席苟芸慧婚禮？她笑說：「唔講住，我哋9月起程，會帶埋一對仔女，佢哋做花仔花女。」另外，何基佑太太再度懷孕，預產期為12月28日，今胎是女，湊成好字。
採訪：羅慧敏
攝影：陳慧安