新聞類別
財經
詳情#
【蘋果日報】騰訊（700）今日公佈中期業績，本報邀請兩位專家預測股王前景，分別是長期睇好的豐盛金融資產管理董事黃國英，以及一直睇淡的訊匯證券行政總裁沈振盈。黃國英雖然大削早前預測的目標價，由500元變成380元，但對其前景仍充滿信心，相反沈大師則預測騰訊會跌至300元，「現在唔係買貨嘅時機！」好淡對決，有以下3項重點：
1）目標價：$380 vs$300
騰訊昨日力守340元關口，黃國英指出，騰訊在高位時因有北水追捧，但現時大環境是北水暫時撤退：「暫時不容易有動力（Momentum）升破400元或以上，若騰訊業績合乎或好過預期，可能衝上380元。」
沈振盈認為，騰訊過去靠高增長維持高估值，但目前騰訊的基本因素已轉差：「基數大咗，增長空間真係有限，近期股價跌到350至360元，其實市場已反映緊騰訊業績有幾差。」他認為，如果核心業務未來轉差：「理論上騰訊股價唔值呢個價，加上現在市場情況冇咁樂觀，畀唔到騰訊太高估值，PE若由40倍跌到20倍至25倍，要跌到300元樓下好合理。」
2）業務：《王者榮耀》褪色
手遊業務為騰訊近年強勁增長的引擎，王牌遊戲《王者榮耀》褪色，新遊戲尚未變現。黃國英認為，騰訊第二季成績表應該是很差的季度，主要因為食雞遊戲變現（Monetization）的問題，以及因其司庫裏的錢不可以收息，但盈利前景沒有問題，只是估值較以往低。
沈大師坦言，市場預期騰訊手遊收入增長放緩，按季更會倒退：「呢樣係預計咗，如果按季跌10%係正常，但如果跌15至20%，嚴重性大啲，對股價會有影響。」他認為手遊增長已去到頂點，例如目前每日收入已達1億元：「打機最多都係24小時咁打，唔會再有大增長，你唔會再成副身家去打機。同埋微信活躍用戶都10億，中國人口都14億，已經去到極限。」
3）策略：只有反彈 未宜長線投資
黃國英坦言，他管理的基金持有騰訊，目前部署是不增持、但亦不沽貨：「淨係死守。」因為外資認為美股較穩陣，故騰訊會成為減倉主要對象，暫時會影響其上升動力。
沈大師則認為，騰訊可能出現超賣情況後，會有技術性反彈：「短炒博反彈係可以，但如果冇貨想買嚟長線投資，我覺得唔係時候。」至於有貨在手的投資者，沈大師認為要趁短線反彈就沽貨：「如果400元都冇沽嘅，呢啲人真心覺得騰訊係好，咪由得佢自己繼續揸住。」
記者：黃碧基 陳新政
1）目標價：$380 vs$300
騰訊昨日力守340元關口，黃國英指出，騰訊在高位時因有北水追捧，但現時大環境是北水暫時撤退：「暫時不容易有動力（Momentum）升破400元或以上，若騰訊業績合乎或好過預期，可能衝上380元。」
沈振盈認為，騰訊過去靠高增長維持高估值，但目前騰訊的基本因素已轉差：「基數大咗，增長空間真係有限，近期股價跌到350至360元，其實市場已反映緊騰訊業績有幾差。」他認為，如果核心業務未來轉差：「理論上騰訊股價唔值呢個價，加上現在市場情況冇咁樂觀，畀唔到騰訊太高估值，PE若由40倍跌到20倍至25倍，要跌到300元樓下好合理。」
2）業務：《王者榮耀》褪色
手遊業務為騰訊近年強勁增長的引擎，王牌遊戲《王者榮耀》褪色，新遊戲尚未變現。黃國英認為，騰訊第二季成績表應該是很差的季度，主要因為食雞遊戲變現（Monetization）的問題，以及因其司庫裏的錢不可以收息，但盈利前景沒有問題，只是估值較以往低。
沈大師坦言，市場預期騰訊手遊收入增長放緩，按季更會倒退：「呢樣係預計咗，如果按季跌10%係正常，但如果跌15至20%，嚴重性大啲，對股價會有影響。」他認為手遊增長已去到頂點，例如目前每日收入已達1億元：「打機最多都係24小時咁打，唔會再有大增長，你唔會再成副身家去打機。同埋微信活躍用戶都10億，中國人口都14億，已經去到極限。」
3）策略：只有反彈 未宜長線投資
黃國英坦言，他管理的基金持有騰訊，目前部署是不增持、但亦不沽貨：「淨係死守。」因為外資認為美股較穩陣，故騰訊會成為減倉主要對象，暫時會影響其上升動力。
沈大師則認為，騰訊可能出現超賣情況後，會有技術性反彈：「短炒博反彈係可以，但如果冇貨想買嚟長線投資，我覺得唔係時候。」至於有貨在手的投資者，沈大師認為要趁短線反彈就沽貨：「如果400元都冇沽嘅，呢啲人真心覺得騰訊係好，咪由得佢自己繼續揸住。」
記者：黃碧基 陳新政
回應 (0)
