記者放蛇齋揼　技師借意脫毛巾

【蘋果日報】《蘋果》另一名男記者佯裝顧客到涉事按摩場，主持人熱情推介多款服務，包括推油按摩加磨砂、四手按摩，收費由398元起，又介紹不同身形的男技師，「大隻、高、瘦都有，小費要同技師傾」。
現場所見，場內面積約1,000平方呎，共4間房，不時有技師於場內遊走，全部是18、19歲男子，部份更赤裸上身。記者選擇一般按摩服務後獲安排進入房間，內有一張按摩床、單人梳化，配備落地玻璃浴室，房間窗簾拉上，只用彩燈照明，主持人先後安排3名男技師供記者過目。
入職後需培訓兩個月
記者最終揀選21歲技師Summer，身形矮瘦的他身穿T恤，手持按摩油及10多張紙巾入房，他極力游說記者做特別服務：「口交收費800元，全身按摩加hand job就600元。」他指若客人只選擇按摩，技師一毛錢也分不到，「我哋冇底薪，有時空等一日都冇錢」。
自稱從事飲食業的Summer透露，每周於骨場兼職兩天，高峯時每日接2、3個客人，日賺2,000多元。他坦言喜歡此工作，「我剛考到車牌，當幫補吓車嘅使費」。Summer指公司有不少技師，由18至40歲，暑假特別多年輕人來應徵，「大把人想搵快錢，呢個（色情服務）對我嚟講冇咩大問題，因為我都有需要」。入職後公司會提供為期兩個月的基本按摩培訓。
約40分鐘放蛇期間，技師不時借意想脫去記者毛巾，但記者堅持只要「齋揼」服務，其間聽到至少兩次按鐘聲，可見生意不俗。Summer稱，每日傍晚6時為黃金時段，技師們也返齊準備隨時服務客人。