為了中肯不炒股30年

【蘋果日報】張天生自80年代開始，30年來不炒股，其中一個原因就是給予客戶意見比較中肯，「你總會有啲私心，譬如話滙豐好定恒生好，我一定同你講恒生好過滙豐100倍，但如果你揸咗滙控呢？梗係滙豐好啦！所以最好唔好炒。」
60至70年代，股市起飛的時候，張天生都有炒股票，「（70年代炒股）當時贏到好多但輸突晒。」他說：「70年代，我贏過幾十萬，在天后廟道買咗兩層樓，總共40幾萬。」不過，股市有升自然有跌，「1973年尾股市跌到暈，（股票）我全部平價賣晒，斬晒倉，賣埋兩層樓還錢，嗰時輸到一個仙都無，仲爭銀行錢，後來先還返。」
但張天生其後都仍然有炒股票，「到1976年個市慢慢好返，嗰時都仲有玩，其後幾年贏好多錢，唔係邊有錢（移民）去澳洲？」至1984年由澳洲返香港，「為咗瞓得安樂」，他賣出最後一批股票後不再炒股。