Big Big Channel直播　被轟藉病人谷收視

【蘋果日報】藝人余德丞前晚踢波期間暈倒昏迷，被送往瑪麗醫院，目前留醫深切治療部。無綫官方app Big Big Channel在余被送入ICU後，積極開Live匯報最新情況，主持人林子博就在ICU外開Live，無綫官方facebook專頁亦全力配合，出帖文「想知最新余德丞情況要留意bigbigchannel，林子博會幫大家跟進最新消息！」、「點擊睇更多詳細報道：余德丞（深切治療）現場」。
瑪麗：梗係唔好啦
其實近年每有突發事件，傳媒都會在醫院做直播，無綫自家app並非開先例，但奇在無綫今次密密在ICU門外做Live，即使未有特別消息都開直播、同網民chit chat，令人側目。網民Stephen Wong留言大罵：「TVB你阻住醫護做嘢呀！」Kolala Koo Kolala：「借病人嚟谷收視。」
《蘋果》昨日向瑪麗醫院公關部查詢，究竟醫院範圍是否可以做直播節目？發言人鄺小姐電話回覆：「其實就唔prefer嘅，但係佢唔影響到人，我哋又好難阻止，當然最好梗係唔好啦！」鄺小姐又稱暫時未收到投訴，但院方會派員了解情況。
■記者李浩賢