承擔風險　培育新人

【蘋果日報】擅拍動作片的甄子丹今次拍《大師兄》轉型走校園勵志路線，這類題材向來票房麻麻，難道他不擔心票房？子丹認為自己作為影圈一分子，也是時候為後輩做一點事，為他們爭取多一些演出機會：「初初拍都係要勇氣，依家拍部戲真係唔平，片商未必想我拍呢類戲，佢哋想拍《導火線》、《葉問》呢啲有把握啲，但如果我唔去承擔風險，呢班新人就冇咁好開始。」
今次五位新人當中，只有湯君慈及湯君耀因是星二代較為人認識，甄子丹直言今次希望攞口碑：「我冇諗票房，唔係博嘅，拍一部好戲，盡量用我嘅經驗去平衡商業元素，睇完有教育意義，就算票房唔理想，都想有口碑。票房唔係我哋控制，但口碑係可以控制。」