尊重員工　稱為「衞生工程師」

【蘋果日報】Franco的另一核心工作，是留住一班員工，「台灣工作短缺，同事連大學生都有。但香港洗碗都難請人，何況洗廁所、對住老鼠曱甴，要受氣好多人寧願唔做。」相反他想出兩招攻陷一班阿姐的心，近年興起叫「豬肉佬」成為「豬肉切割員」，史偉莎早在2003年已經稱員工為「衞生工程師」，亦為這別人看為低下的工作賦予使命，「多做心理教育工作，俾佢知佢好值得社會尊重，無清潔工，全世界烏煙瘴氣。雖然佢哋唔係廚師，但對餐飲業好有幫助；唔係教師，但對學生好有幫助；唔係醫生，但對醫院衞生好有幫助。」
底薪連分成近三萬元
他鼓勵客戶送錦旗給用心工作的清潔員，「客人咁讚你、送旗俾你，你都去吞卜？唔係吓吓都講錢。」他有一套獨特的八二理論，「我覺得八成員工都好，唔係最衰嘅人，只要佢覺得你信任佢，自然會產生責任感。佢覺得你唔信佢，佢咪交功課算數。」
當然銀彈政策亦不可少，香港的「工程師」底薪連分成，每月由近二萬，至近三萬不等。亦有上流階梯，目前九成地區主管皆由基層提拔，「我哋好少挖角，見到員工有潛質就培養佢升職。」去年Franco開始計劃把史偉莎版圖擴張衝出亞洲，將其保險式清潔公司繼續發揚光大。