新聞類別
港聞
詳情#
【蘋果日報】港鐵（066）近年內地及國際業務明顯減慢，逾八成業務是在2015年或以前取得，加上醜聞連連，引致董事局大地震。中投傲揚基金經理溫鋼城表示，投資者憂慮高鐵等工程有手尾跟，影響盈利表現，港鐵開市不排除下試40元。港鐵昨升不足1%，報42.8元。
馬時亨治下國際業務減
港鐵自合併以來，歷經兩任主席管治，包括前任錢果豐及現任馬時亨。在錢管治下，港鐵對外業務積極，接連進軍澳洲、瑞典及英國；而馬接手後少得多，只取得澳門輕軌氹仔綫顧問服務、杭州五號綫及英國西南鐵路專營權。
溫鋼城表示，內地城市基建發展日漸成熟，「內地唔少鐵路都已經起咗，唔會無啦啦多一條，而歐美又未必想港鐵幫手」，認為對外發展減慢亦無可厚非。至於今次人事變動有可能影響股價，投資者主要憂慮高鐵、沙中綫等工程有手尾跟，日後可能要施展加固工程而花多一筆錢，影響盈利表現。他表示，假如投資者是長揸3年或以上，在股價回落到38至40元可考慮買入，但短炒有風險。馬時亨2015年中獲委任，並於翌年就任主席，期內港鐵股價累升約11.5%，跑輸其他收息股。
■記者張浚浩
回應 (0)
