新聞類別
娛樂
詳情#
【蘋果日報】樂隊野仔前晚在旺角麥花臣開騷，成員少爺占的老婆與囝囝、何超蓮、Super Girls成員Aka及Heidi都有捧場。開場時台上螢幕上打出字幕向逝世的盧凱彤致敬，之後野仔出台唱歌，觀眾也收拾心情，全場站起身迎接野仔，操到一身肌肉的少爺占全晚不停除衫又着衫，大晒健身成果。他自言是麥花臣開騷最多的紀錄保持者，接着大嗌：「I Love麥花臣。」再爬到地上錫了舞台一啖，十分搞笑。
讚Ellen出色
騷後少爺占受訪時談到盧凱彤離世，十分感慨地說：「唔相信係事實，加一個環節向Ellen致敬，係對Ellen一個尊重，佢係一個好出色嘅音樂人。」問到今次演出，少爺占說：「事隔六年再開騷，呢段期間大家都有工作，我要開騷又要做棟篤笑，仲有艾粒，其他成員就做野佬（Yellow）部份，我係野仔都要湊仔。」少爺占表示日前跟老婆及兒子去沖繩遊學，因為他要準備做騷提早回港，不習慣一個人坐飛機有點失落。台上少爺占除衫晒肌又不停着衫，他笑言：「老人家攝一攝就會病，而且唱慢歌係唔適合除衫。」今個月18日結婚的成員小胡，表示屆時只是跟家人在香港簡單食餐飯。
採訪：王連連
攝影：沈健程
讚Ellen出色
騷後少爺占受訪時談到盧凱彤離世，十分感慨地說：「唔相信係事實，加一個環節向Ellen致敬，係對Ellen一個尊重，佢係一個好出色嘅音樂人。」問到今次演出，少爺占說：「事隔六年再開騷，呢段期間大家都有工作，我要開騷又要做棟篤笑，仲有艾粒，其他成員就做野佬（Yellow）部份，我係野仔都要湊仔。」少爺占表示日前跟老婆及兒子去沖繩遊學，因為他要準備做騷提早回港，不習慣一個人坐飛機有點失落。台上少爺占除衫晒肌又不停着衫，他笑言：「老人家攝一攝就會病，而且唱慢歌係唔適合除衫。」今個月18日結婚的成員小胡，表示屆時只是跟家人在香港簡單食餐飯。
採訪：王連連
攝影：沈健程
回應 (0)
