關心妍坐月曾突然爆喊

【蘋果日報】關心妍昨日在灣仔出席其代言活動，與一眾新手媽媽及孕婦分享生BB經歷。回想當年懷孕，她說：「因為唔使工作完全冇壓力，食完嘢就瞓覺。反而生完BB後，換片、沖涼乜嘢都唔識，雖然有陪月，但有兩日突然情緒崩潰控制唔到，暱埋咗入房，喊咗半個鐘。」幸而她有信仰祈禱，老公曾向她了解︰「大家未湊過小朋友，我哋又等咗咁多年，有乜嘢閃失擔當唔起，好彩之後冇事。」而坐月時補身十分重要，她認為健康好情緒都會好。
至於女兒Jovia下星期會上學前班，關心妍已為女兒作好準備，而她每日可騰出三小時打理其音樂學院，早前她單對單教學，一堂接一堂，連飲水去廁所沒有時間。
採訪：卓寶花
攝影：陳俊強