馮檢基：呢分鐘不考慮參加補選

【蘋果日報】立法會九龍西補選尚有3個多月便舉行，前政治助理陳凱欣近日成為建制派熱門人選之一；泛民方面，剛退出民協的馮檢基昨被再問到是否考慮參選，他只稱「截至呢一分鐘都不考慮」，但難以估計日後會否考慮，又指議會應有60歲以上的代表。民主派的首選代表劉小麗則指，希望民主派以大局為重，由最能夠代表民主陣營的人士出戰。
稱應有60歲以上議員
馮檢基昨出席港台節目《政壇新秀訓練班》時指，現不考慮參加補選，主持人追問他明天會否考慮參選，馮指只能說現在的想法：「你日日問我（是否參選）都得，我只能夠話我依家諗乜。」他指：「我答唔到你咁遠……你問我聽日嘅事，我聽日瓜咗都未定，我唔能夠將未發生嘅嘢，話我估計我後日會考慮，可能係呃緊人，我只能夠話，我呢一分鐘都不考慮。」
自稱「政壇李克勤」的馮檢基以年老的外國元首為例，指搞政治沒有退休年齡，「如果選民唔要佢，佢點選都選唔到，選民先有最終決定」、「唔好將年輕人同資深嘅人對立」。
65歲的他指，議會需要老、中、青各有代表，而九西亦有很多年長選民：「成個議會入面，冇一個60歲以上嘅人，你覺得好咩？係咪60歲以上嘅（人）唔使理呢？」
對於民協被指扶植新血不力，馮指自己已經常交棒予年輕人，但能否取得議席是由選民決定：「你可以話民協喺扶植新血上失敗，但唔係個個黨都做到。」盛傳前政助陳凱欣或會代表建制派出選，馮指現階段難以評論建制及泛民勝算，但指在本年初的補選，建制和泛民得票比例是「五五波」，只要泛民做好宣傳，仍能被看高一線。
被民主派推舉為Plan A的劉小麗，其組織昨晚舉行籌款晚宴，筵開37席。劉小麗同意議會不應有年齡歧視，民主派最重要是找出最為民主大局出發及推動民主運動的代表出選，「邊一個最能夠團結到民主派，我哋就推舉邊個，我亦希望各位係大局為重」。
民建聯主席李慧琼則稱，建制派會盡快協調人選：「今次補選是單議席單票制選舉，我哋明白除咗考慮民建聯本身嘅人選，亦需要建制派協調。」
■記者麥卓溢、林俊謙