港故事：「食飯要食清，唔留一粒米」

【蘋果日報】不少港人兒時玩過瀡滑梯或行山游水，但李豐年（Kennth）卻度過不一樣的童年，他形容父親熱衷社區事務，周末餘興節目是觀賞舞獅，又或下田看農夫辛勞種稻，但父親身教令他學懂勤奮好學，回港繼承祖業。
「佢係一個好忙嘅爸爸！」Kennth回憶兒時，指父親忙於打理生意，有時忙執貨，倦極在貨面睡，睡醒又再工作，周而復始。父親周末總會抽空帶子女遊車河，不過目的地竟是社區活動。「有啲剪綵開張或敬老會有舞獅，細個第一次睇拍爛手掌，第二次睇都可以，不過個個禮拜睇就……」Kennth望一望父親，然後欲言又止笑稱：「都幾得意嘅！」當年新界如沙田、元朗、大埔一帶，都是綠油油農田，元朗更種植本地絲苗，廣林叔從事米商，會逐家逐戶收購，亦試過帶子女看農夫下田，教導子女粒粒皆辛苦，「食飯要食清，唔留一粒米」。
廣林叔身教令Kennth獲益良多，「佢從來唔會執住手教，但你會睇到佢嘅行為，例如好節儉，唔嘥嘢唔浪費，兩個餸夠就叫兩個，唔會揀擇，開一罐豆豉鯪魚或午餐肉又一餐」。
＂我行得走得，自己做到嘢就開心。＂
廣林叔與妻子鄧綺蓮育有三子兩女，最繁忙時夫妻分別任東區及中西區議員，忙於生意又要兼顧政務，但子女感受到父母勤奮，獨立成才，各自在營養、電腦、心理、經濟範疇各有所長，當中排第二的Kennth從加拿大學成回港協助父親打理生意。廣林叔提起子女時仍一臉自豪：「三個UBC（英屬哥倫比亞大學），兩個SFU（西門菲莎大學）畢業。」他自言未打算退休，繼續在子女面前以身作則，「身體唔好就冇辦法啫，我行得走得，自己做到嘢就開心」。